چترال (نما یندہ چترال میل)منگل کے روز ڈپٹی کمشنر چترال کے دفتر میں چترال شندور اور چترال گرم چشمہ روڈ کو صوبائی حکومت کے سی اینڈ ڈبلیو ڈیپارٹمنٹ سے وفاقی حکومت کے نیشنل ہائی وے اتھارٹی کے حوالے کرنے کی تقریب منعقد ہوئی جس میں کمشنر ملاکنڈ ڈویژن سید ظہیر الاسلام شاہ اور وزیر اعلیٰ کے معاون خصوصی وزیر زادہ کی موجودگی میں دونوں محکمہ جات کے افسران نے دستاویز ایک دوسرے کے حوالے کئے۔ اس موقع پر کمشنر ملاکنڈ ڈویژن نے کہا کہ ترقیاتی منصوبوں میں ناقص، معیار اور مقدار میں کم اور بروقت تکمیل میں غیر ضروری تاخیر آئندہ کے لئے برداشت نہیں کیا جائے گا اور مرتکب افسران کے خلاف کیسز نیب میں بھیج دئیے جائیں گے اور کوئی افسر کڑی احتساب سے نہیں بچ سکے گا چاہے جن کا تعلق صوبائی حکومت سے ہو یا وفاق سے۔ انہوں نے کہاکہ ڈویژنل سطح پر مانیٹرنگ سسٹم کے تحت تمام وفاقی اور صوبائی محکمہ جات کے کاموں کی نگرانی کا اختیار انہیں حاصل ہے اور آئندہ کوئی افسر اور اہلکاراپنی سستی، کاہلی، غفلت، بدانتظامی اور بدعنوانی کی سزا پانے سے نہیں بچ سکے گا۔ انہوں نے سڑکوں کی خراب صورت حال پر تشویش کا اظہار کرتے ہوئے متعلقہ سرکاری محکمہ جات کے افسران پر زور دیاکہ وہ اپنے پیشے اور کاموں کے ساتھ انصاف کریں اور سرکاری کاموں کو بھی وہی اہمیت دیں جووہ اپنی ذاتی کاموں کو دیتے ہوئے اس کے لئے روزوشب فکر کرتے ہیں اور کم سے کم لاگت پر ذیادہ سے ذیادہ اور معیاری کام کرتے ہیں اور قوموں کی عروج کا راز اسی میں مضمر ہے کہ اس کے افسران اور اہلکار ایمانداری اور کام سے لگن کا مظاہرہ کرتے ہیں۔ انہوں نے این ایچ اے کے افسران کو ہدایت کی کہ انہیں شندور اور گرم چشمہ روڈ کی صورت میں بھاری ذمہ داریاں سپرد ہوئی ہیں اور آنے والے سردیوں میں ان سڑکوں کو قابل استعمال رکھنے میں کوئی کوتاہی کا ارتکاب نہ کریں اورمینٹی ننس کے لئے چترال میں جلد از جلد دفاتر قائم کریں۔ وزیر اعلیٰ کے معاون خصوصی وزیر زادہ نے کہاکہ چترال کے دو اہم تریں سڑکوں کی این ایچ اے کو حوالے کرناتاریخ کا ایک سنگ میل سے کم نہیں ہے جس کے بعد ان کی تعمیر اور کشادگی میں کوئی مسئلہ باقی نہیں رہا جس کے لئے چترال کے عوام وزیر اعلیٰ محمود خان کے شکر گزار ہیں جس کی ذاتی دلچسپی کی بنا پر ہی یہ ممکن ہوا۔ ڈپٹی کمشنر چترال حسن عابد بھی اس موقع پر موجود تھے۔ چترال ڈویلپمنٹ فورم کے چیرمین وقاص احمد ایڈوکیٹ نے سول سوسائٹی کی نمائندگی کرتے ہوئے سڑکوں کی حالت بہتربنانے کے لئے تجاویز پیش کی۔
تازہ ترین
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا