چترال(نما یندہ چترال میل) وزیر اعظم کے مشیر برائے موسمیاتی تبدیلی ملک امین اسلم نے اپنے دورہ چترال کے دوسرے روز اپر چترال کا دورہ کیا جہاں ضلعی ہیڈ کوارٹرز بونی میں ڈی سی اپر چترال شاہ سعود نے انہیں اس نوزائیدہ ضلعے کے بارے میں بریفنگ دیتے ہوئے انہیں ضلعے کے مختلف علاقوں میں قدرتی آفات کے خطرات سے آگاہ کیا۔ ملک امین اسلم نے کہاکہ یہ ضلع جہاں قدرتی وسائل اور سیاحت کے لئے بے پناہ پوٹنشل کا حامل ہے، وہاں یہ قدرتی آفات کے لحاظ سے بھی سب سے ذیادہ خطرے کی زد میں ہے جوکہ حال میں ایک اسسمنٹ کے نتیجے میں سامنے آئی ہے اور ان کا تعلق موسمیاتی تبدیلی سے ہے۔ انہوں نے کہاکہ قدرتی آفات کے بد اثرات سے انسانی آبادی اور انفراسٹرکچرز کو بچانے کی ضرورت ہے۔انہوں نے کہاکہ ضلعی انتظامیہ ایسے انفراسٹرکچرز کی نشاندہی کرے تاکہ ان کو بچانے کے لئے بروقت اقدامات کئے جاسکیں۔انہوں نے کہاکہ یو این ڈی پی کے فنڈ سے گلوف پراجیکٹ نے سیلاب کے بروقت اطلاع دینے اور مناسب اقدامات کرنے کے لئے مانیٹرنگ اسٹیشن مختلف مقامات پر قائم کرنے اور خطرے سے دوچار کمیونٹیز کو تیار کرنے کا عمل شروع کردیا گیا ہے۔ انہوں نے شندور فیسٹول کے ساتھ بروغل فیسٹول کو بھی شایان شان انداز میں منانے کے لئے بھی ضلعی انتظامیہ کو مختلف تجاویز پیش کرنے کی ہدایت کردی۔ انہوں نے کہاکہ شندور کو ہندراپ نیشنل پارک میں شامل کرنا ایک غلط فہمی کا نتیجہ تھا جبکہ ریکارڈ کو درست کیاجارہا ہے۔ اس سے قبل انہوں نے گلوف سے متاثرہ گولین گول وادی اور ریشن کے گاؤں میں سڑکوں اور پلوں کے انفراسٹرکچروں کا معائنہ کیا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا