چترال (نما یندہ چترال میل) آغا خان گرلز ہائر سیکنڈری سکول کوراغ اپرچترال میں اکیس طالبات کے کورونا ٹیسٹ مثبت آنے پر سکول کو پانچ روز کے لئے بند کردیا گیا ہے جبکہ اس سے قبل گورنمنٹ گرلز ہائی سکول بونی اور وریجون میں متعدد استانیوں کے ٹیسٹ مثبت آنے پر بندکردئیے گئے تھے۔ ذرائع نے اس خبر کی تصدیق کرتے ہوئے کہاکہ صوبائی حکومت کی طرف سے کووڈ 19کے بارے میں جاری ایس او پیز کے مطابق کسی تعلیمی ادارے میں ایک بھی ٹیچر یا طالب علم کے کورونا ٹیسٹ مثبت آنے پر ادارے کو پانچ روز کیلئے بند کرنے کے بعد اسے ڈس انفیکٹ کرکے ہی کھولا جاتا ہے۔