چترال (نمائندہ چترال میل) الخدمت فاونڈیشن نے چترال لویر ضلعے میں لاک ڈاؤن سے متاثر علاقے کے معاشی طور پر کمزور ترین گھرانوں میں راشن پیکج کی تقسیم کا سلسلہ شروع کردیا جبکہ مستحقین کی نشاندہی کے لئے سروے کرنے کے بعد ایک ڈیٹا بیس بنالیا گیا ہے جس میں یتیموں، مسکینوں، بیواؤں، مغذوروں اور روزانہ کی اجرت پر کام کرنے والوں کی الگ کٹیگری شامل ہیں جنہیں مرحلہ وار امداد فراہم کی جائے گی۔امدادی پیکج کی تقسیم سے پہلے ڈپٹی کمشنر کے دفتر میں الخدمت فاونڈیشن کی طرف سے بریفنگ دی گئی جس میں ڈی سی لویر چترال نوید احمد، ڈی پی او لویر چترال وسیم ریاض خان، کمانڈنٹ چترال ٹاسک فورس کرنل علی ظفر اور الخدمت فاونڈیشن کی طرف سے سابق ضلع ناظم مغفرت شاہ، ضلعی صدر نوید احمد بیگ، سینئر نائب صدر وجیہ الدین، نائب صدر عمیر خلیل موجود تھے جبکہ انجینئر ابرارالرحمن نے بریفنگ دیتے ہوئے کہاکہ مستحقین کا یہ ڈیٹا بیس اپنی نوعیت کے لحاظ سے منفرد ہے جس میں 5500سے زائد افراد کو رجسٹر کئے گئے ہیں اور پیکج کی فراہمی کا عمل کوئی بھی اپنے موبائل فون سیٹ پر دیکھ سکتا ہے جبکہ اس میں شفافیت سمیت دوسری خامیوں سے پاک کرنے کی حتی الوسع کوشش کی گئی ہے جس میں ایک رجسٹرڈ فیملی کو محروم رکھ کر دوسرے فیملی کو دو دفعہ پیکج دینے کی کوئی گنجائش نہیں چھوڑی گئی۔ انہوں نے کہاکہ سروے کے عمل میں لویر چترال کے تمام 14یونین کونسلوں کو شامل کئے گئے ہیں جہاں مستحقین کی فہرست کو حتمی شکل دیتے وقت مقامی عبادت گاہوں کے پیشواؤں سے بھی رائے لی گئی تھی۔اس موقع پر سابق ناظم مغفرت شاہ نے مزید پیکج کی مزید وضاحت کرتے ہوئے کہاکہ اس میں مستحقین کو ایک جگہ جمع کرنے کی بجائے الخدمت کے رضا کاروں کو یہ ذمہ داری سونپ دی گئی ہے کہ وہ ہر ایک مستحق کے گھر میں لے کر ان کو تقسیم کریں گے۔ اس موقع پر ڈی سی، ڈی پی او اور کمانڈنٹ نے الخدمت فاونڈیشن کے کام کو سراہتے ہوئے کہاکہ اس ادارے نے ملک بھر میں اپنی بے لوث خدمت کا سلسلہ کئی سالوں سے جاری رکھا ہوا ہے۔ا نہوں نے پیکج کی تقسیم کے مرحلے کو مزید شفاف بنانے اور اس عمل کو سیاسی مداخلت سے پاک رکھنے اور کرونا وائرس سے بچاؤ کے لئے پروٹوکول پر عمل درامد کرنے پر بھی زور دیا۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے