چترال (نمائندہ چترال میل ) آل پاکستان مسلم لیگ کے رہنما اور سابق صدر جنرل پرویز مشرف کے شیدائی اور برغوزی چترال کے رہائشی احمد خان نے کہا ہے کہ انہیں اس بات کا مکمل یقین ہے کہ ان کڑی اور گھمبیر حالات میں وطن عزیز کو جو شخصیت دلدل سے نکالنے کی صلاحیت اور سکت رکھتے ہیں، وہ صرف اور صرف جنرل پرویز مشرف ہی ہیں لیکن انہیں ایک سوچے سمجھے منصوبے کے تحت پھنسایا جارہا ہے تاکہ ملک میں بحرانی کیفیت اور بھی شدت اختیار کرلے۔ گزشتہ سال جنرل پرویز مشرف کو عدالت کی طرف سے سزائے موت سنائے جانے پر ان کی جگہ اپنے آپ کو پھانسی کے تختہ کے لئے رضاکارانہ طور پر پیش کرنے والے احمد خان نے چترال میں میڈیا سے گفتگوکرتے ہوئے کہاکہ لواری ٹنل پراجیکٹ، گولین گول ہائیڈروپاؤر پراجیکٹ، گلگت شندور روڈ، چترال کے طول وعرض میں موبائل فون کمپنی کے ٹاؤر پول لگاکر موبائل فون کی سہولت سے اراستہ کرنے والے اور چترالی عوام کو اپنا کہنے والے اور یور پ میں بھی جاکر چترالیوں کی تعریف کرنے والے پرویز مشرف محسن پاکستان ہیں جس کے ساتھ چترالیوں کا والہانہ لگاؤ اور عقیدت ہے۔ ان کا کہنا تھاکہ چترال کے عوام احسان شناس ہیں اور کسی کے احسان کو کبھی بھی فراموش نہیں کرتے اور جنرل مشرف اب بھی ان کا محبوب رہنما ہے اور جب بھی وہ الیکشن لڑنے کا ارادہ کرلے تو چترال کو اپنا آبائی حلقہ تصور کرسکتے ہیں جہاں لوگ اپنی پارٹیوں کو چھوڑکر بیلٹ پیپر ہاتھوں میں تھامے ان کے انتظار میں ہیں۔ انہوں نے کہاکہ جنرل مشرف کے ساتھ ان کی عقیدت اس وقت پیدا ہوگئی جب انہوں نے 1999ء میں ایسے ہی مایوس کن حالات میں ملک کا اقتدار سنھبال لیا اور ملک کے سب سے پسماندہ اور دورافتادہ ضلع چترال کو اپنی خصوصی توجہ اور مہربانیوں کا مرکز بناتے ہوئے چترال کا بار بار دورہ کرنے لگے اور ان ہی دنوں میں وہ فخر چترال شہزادہ سراج الملک کے وساطت سے ان سے شرف ملاقات بھی حاصل کرلی جوکہ ان کی زندگی کا خوشگوار ترین اور ناقابل فراموش دن تھا۔ انہوں نے کہاکہ وہ گزشتہ دو دہائی سالوں سے جنرل پرویز مشرف کے لئے ہر فورم پر اور ہر موقع پر اپنی بساط بھر ان کے مشن کو آگے کو بڑہانے کی کوششو ں میں مصروف ہیں اوریہی وجہ ہے کہ گزشتہ مہینوں جب ان کو سزائے موت سنائی گئی تو چترال پریس کلب میں ان کے درجنوں شیدائیوں نے اپنی جان کی قربانی دیتے ہوئے ان کی جگہ پھانسی کا پھنداگلے میں ڈالنے پر تیار ہوگئے۔ احمد خان نے کہاکہ ملک میں کرونا وائرس کی وجہ سے لاک ڈاؤن کے نتیجے میں غریبوں پر جو برا وقت آگیا ہے، اس میں چترال کے عوام سب سے ذیادہ تباہ حال اور پریشان حال ہیں جوکہ پہلے سے غربت کی چکی میں پسے جارہے تھے۔ انہوں نے کہاکہ ان حالات میں بھی چترال کے عوام اب بھی پرویز مشرف کی طرف دیکھ رہے ہیں جوکہ اپنی اثرورسوخ کو بروئے کار لاتے ہوئے ان کے لئے خصوصی پیکج کا بندوبست کرکے حکومتی کارندوں کے بجائے اپنے جان نثاروں اور شیدائیوں کے ذریعے گراس روٹ لیول تک غریبوں کے دروازے تک پہنچادیں گے۔
تازہ ترین
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا
- ہوماظہار تشکر ۔۔ ہم ان تمام عزیز و اقارب،دوستوں اور بہی خواہوں کے شکر گزار ہیں۔۔حاجی سید احمد بمبوریت و فیملی
- ہوماپر اور لویر چترال کے اضلاع میں ڈسٹرکٹ بار ایسوسی ایشن کے انتخابات مکمل ہوگئے جن میں ساجد اللہ ایڈوکیٹ لویر چترال اور گل مراد خان ایڈوکیٹ اپر چترال کے صدر منتخب ہوگئے