صوبائی وزیر اطلاعات وتعلقات عامہ شوکت علی یوسفزئی نے سید بخار شاہ کو پشاور پریس کلب کا صدر، شہزاد عالم کو سوات پریس کلب کا صدر، گوہر وزیر کو نیشنل پریس کلب بنوں اور صوبے کے دوسرے پریس کلبوں میں منتخب ہونے والے صدور اور انکے پورے کابینہ کو مبارکباد پیش کی ہے اپنے ایک تہنیتی بیان میں صوبائی وزیر نے کہا کہ صحافی معاشرے کی آنکھ کان اور ناک ہوتے ہیں جو معاشرے کے حقیقی مسائل کو اجاگر کرکے حکومت کی رہنمائی کرتے ہیں. انہوں نے کہا کہ صحافیوں کے مسائل ترجیحی بنیادوں پر حل کیے جائینگے تمام پریس کلبوں کے منتخب رہنماؤں کے ساتھ ملکر مسائل کی نشاندھی اور ان پر قابو پانے کیلئے اقدامات اٹھائے جائیں گے۔صوبائی وزیر نے امید ظاہر کی ہے کہ تمام پریس کلبوں کے نو منتخب کابینہ صحافی برادری کے مسائل کے حل کے علاوہ صوبائی حکومت کے ساتھ مل کر صوبے کی ترقی میں اپنا کردار ادا کریں گے۔ وزیر اطلاعات نے پرامن انتخابات کے انعقاد پر تمام پریس کلبوں کے جمہوری انداز کی تعریف کی ہے۔