چترال (نمائندہ چترال میل) 9 دسمبر کو چترال پولیس لاین میں عالمی انسداد بد عنوانی کا دن منایا گیا جس میں ڈی پی اؤ چترال کے علاوہ کثیر تعداد میں پولیس آفسران نے شرکت کی تقریب کا آغاذ کلام پاک سے کیا گیا۔عالمی انسداد بد عنوانی کے موضوع پر ڈی۔پی۔او چترال وسیم ریاض خان نے تفصیلی روشنی ڈالی اور اپنے تقریر میں چترال پولیس کی ایمانداری کو سراہا اور کہا کہ چترال پولیس کے خلاف ابھی تک میرے سامنے کرپشن کے حوالے سے کوئی شکایت موصول نہیں ہوئی۔ انہوں نے ذور دیا کہ چترال پولیس اسی طرح ڈیوٹی کی انجام دہی میں اپنا کردار ادا کریں، چترال پولیس ایک مثالی پولیس ہے چترال کی عوام چترال پولیس کو قدر کی نگاہ سے دیکھتی ہے۔ تقریب کے بعد واک کا اہتمام کیا گیا جس میں کثیر تعداد میں پولیس آفسران نے شرکت کی۔
