چترال (نذیرحسین شاہ نذیر)حکومت صوبے بھرکے ہسپتالوں میں مریضوں کو علاج معالجے کی بہتر سہولتیں فراہم کرنے کیلئے پرعزم ہے۔ سرکاری شعبے کے ہسپتالوں کی کارکردگی بہتر بنانے کیلئے کوششیں کی جارہی ہیں۔ ہسپتالوں میں خدمات کی فراہمی پر کوئی سمجھوتہ نہیں کیاجائے گاان خیالات کااظہارڈائریکٹر جنرل ہیلتھ سروسز خیبر پختونخوا ڈاکٹرمحمد ارشد خان نے آرایچ سی کوغذی،ٹی ایچ کیوہسپتال بونی اوردیگرہسپتالوں کے تفصیلی دورے کے بعدکیا۔انہوں نے مریضوں سے ہسپتال میں موجود سہولیات کی فراہمی اور علاج معالجے کے بارے دریافت کیا مریضوں کے جواب پرانہوں نے اظہار اطمینان کیا۔ حکومت کی ہدایت پر تمام ہسپتالوں میں مفت ادویات اور دیگر سہولیات کی فراہمی یقینی بنائی جا رہی ہے شعبہ ایمرجنسی سمیت ہسپتالوں کے تمام شعبہ جات مریضوں کی دیکھ بھال کیلئے مکمل طور پر فعال بنایاجائے گا اس سلسلے میں کسی شہری کو کوئی شکایت نہیں ملے گا۔سرکاری ہسپتالوں میں غریبوں کومکمل احترام کے ساتھ علاج معالجے کی سہولت میسر ہوناچاہیے۔انہوں نے میڈیکل سپرنٹنڈنٹ شہزادہ فیض الملک کی کارکردگی کوتسلی بخش قراردیتے ہوئے کہاکہ صحت کے شعبہ میں ترقی کیے بغیر کوئی بھی ملک ترقی کی منازل طے نہیں کر پاتا جبکہ علاج تک رسائی کسی بھی شہری کا بنیادی حق ہے۔محکمہ صحت کا فرض ہے کے صحت کے شعبے پر توجہ دے کر عام آدمی کی رسائی ممکن بنانے میں اپنا کردار ادا کرے۔ہسپتالوں میں سب سے اہم مریضوں کوصاف ستھراماحول فراہم کرناہے جہاں گندگی سے انفیکشن نہ پھیل سکے اورمریض جلدصحتیاب ہوجائے۔اس موقع پرآغاخان ہسپتال بونی (بی ایم سی)کادورہ کیاجہان جدیدآلات،صفائی کے نظام اور دیگرسہولیات پر اطمینان کا اظہار کرتے ہوئے کہاکہ آغاخان ہیلتھ سروس پاکستان چترال جیسے پسماندہ ضلعے سمیت ملک کے مختلف علاقوں میں صحت کے حوالے سے کام کررہے ہیں جوقابل تحسین ہیں۔انہوں نے کہاکہ صحت کے شعبے میں کام کرنے والے تمام سرکاری اورغیرسرکاری ادارے اپنے فرض منصبی احسان طریقے سے نبھائیں گے تووہ وقت دور نہیں جب صحت کی روشنی ہر گھر پھیلے گی۔ڈی جی ہیلتھ کے پی کے تحصیل ہیڈکواٹرہسپتال مستوج کادورہ کیا۔جہان آغا خان ہیلتھ سروس کے ساتھ پبلک پرائیویٹ پارٹنرشپ کے تحت چلنے والی ہسپتال کاتفصیلی جائزہ لیا۔اورکہاکہ اس پسماندہ اور دورافتادہ علاقے میں عوام کو ان کے گھروں کی دہلیز پر معیاری ہیلتھ کیر کی سہولیات کی فراہمی ایک خوش آئند بات ہے۔ انہوں نے چترال میں کوالٹی ہیلتھ کیر میں آغا خان ہیلتھ سروس کی خدمات کو بھی سراہا۔بعدمیں منسٹرہیلتھ خیبرپختونخواڈاکٹرہشام کی خصوصی ہدایت پرڈی جی ہیلتھ خیبرپختونخوا ڈاکٹرارشدخان نے دنیاکے بلندترین مقام شندورپرپولوفیسٹول میں ہیلتھ کیمپ کادورہ کیااورہیلتھ انتظامیہ کی کوششوں کوسراہا۔خیبرپختونخوا کی تاریخ میں کسی بھی ڈی جی کایہ پہلادورہ ہے عوام اورہیلتھ اسٹاف نے بھی ڈی جی ہیلتھ کی اس عزم اورجذبہ کی تعریف کی اوراس کوباعث اطمینان قراردیا۔
اس موقع پرڈپٹی ڈائریکٹرپبلک ہیلتھ خیبرپختونخواڈاکٹر عمران،ڈپٹی ڈائریکٹرمینجمنٹ ڈاکٹرقاسم،ڈسٹرکٹ ہیلتھ افیسر چترال ڈاکٹرحیدرالملک،ای پی آئی کواڈینٹرچترال ڈاکٹرفیاض رومی اوردیگرموجودتھے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ