(چترال میل رپورٹ)صوبائی حکومت کو چترال کے عوام کی محرومیوں کا شدت سے احساس ہے اورمحدود وسائل سے چترال کو قدرتی آفات سے محفوظ بنانے کے لئے ہر سطح پر کام ہو رہا ہے، سیکرٹری ریلیف محمد عابد مجید کا چترال میں گلیشیئرز کے خطرات سے دو چار علاقوں بیندی گول اور آرکاری میں مختلف تقاریب سے خطاب۔محمد عابد مجید نے کہا کہ ہمیں ڈیزاسٹر مینجمنٹ سے بڑھ کر ڈیزاسٹر رسک ریڈکشن پر زیادہ توجہ دینے کی ضرورت ہے کیونکہ صوبائی حکومت ہر سال قدرتی آفات سے متاثرہ علاقوں میں عوام کی جانی و مالی نقصانات کے ازالے پرخطیر رقوم خرچ کر نا پڑرہی ہے اگریہی رقوم ان علاقوں کی ترقی،آفات کے ممکنہ خطرات میں کمی لانے والے منصوبوں پر خرچ کی جائے تو ممکنہ خطرات و نقصانات پر کافی حد تک قابو پایا جا سکتاہے۔انہوں نے کہا کہ پراونشل ڈیزاسٹر مینجمنٹ اتھارٹی کے تحت ہر بڑے دریا پر خصوصی سنسرزنصب کئے جا رہے ہیں تاکہ ممکنہ متاثرہ علاقوں میں پیشگی امدادی اقدامات کیئے جا سکیں۔انہوں نے کہا کہ خیبر پختونخوا میں ڈویژن کی سطح پر ایک ایک ایمرجنسی آپریشن سینٹرمستقل طور پر قائم کر دیا گیا ہے جو ہمہ وقت پی ڈی ایم اے میں قائم صوبائی ایمرجنسی آپریشن سینٹر سے رابطے میں رہتا ہے۔انہوں نے گلاف پراجیکٹ کے تحت محکمہ موسمیات چترال میں قائم نئے دفتر کا معائنہ جبکہ موسمی تغیرات و تبدیلی کے حوالے سے ڈائریکٹر محکمہ موسمیات محمد مشتاق نے تفصیلی بریفنگ دی۔سیکرٹری ریلیف نے آرکاری چترال میں شجرکاری مہم کا آغاز بھی کیا اور عوام کو درختوں کی اہمیت کے حوالے سے شعور اجاگر کرنے پر زور دیا۔چترال کے دور افتادہ علاقہ آرکاری میں گلیشیئرز سے عوام کو درپیش خطرات کے حوالے سے سیکرٹری ریلیف،خیبرپختونخوا نے خود وہاں جاکر حالات کا جائزہ لیا،عوامی مسائل سنے اور عوام کو صوبائی حکومت کی جانب سے ہر ممکن تعاون اور منصوبے شروع کرنے کا یقین دلایا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما