چترال(نمائندہ چترال میل) چترال کے مختلف علاقوں میں غیر قانونی طور پر کاٹے گئے درختوں کو محکمہ جنگلات کی طرف سے ضبط کرنے کے بعد انہیں چترال سے باہر درگئی کے ٹمبر مارکیٹ منتقل کرکے وہاں پر عام نیلامی کی جاتی ہے۔ تفصیلات کے مطابق محکمہ جنگلات کے ڈویژنل فارسٹ آفیسر کی طرف سے چند ہفتے قبل مختلف اخبارات میں مشتہر کیا گیا کہ ارندو جنگل میں غیر قانونی کٹائی شدہ درختان از قسم دیار (سلیپر) وغیرہ کو محکمہ نے ضبط کرنے کے بعد درگئی ٹمبر مارکیٹ منتقل کیا ہے جہاں پر ہر مہینے کی 9 اور 22تاریخ کو دن 11بجے ان سلیپران کی نیلامی ہوگی۔ اس حوالے سے عوامی حلقوں کا کہنا ہے کہ چترال کے لوگ پہلے سے ہی عمارتی لکڑی کی وجہ کافی مشکلات کا شکار ہیں کیونکہ مکانات کی تعمیر کے لئے عمارتی لکڑی کے حصول کے لئے محکمہ کی طرف سے لوگوں کو قلیل مقدار میں پرمت جاری کی جاتی ہے اور ضرورت کے مطابق لکڑی کے حصول کے لئے لوگوں کو در در کی ٹھوکریں کھانا پڑتا ہے۔ چترال میں سرکاری سطح پر ٹمبر مارکیٹ قائم کرکے عوامی مشکلات کو کم کیا جاسکتا ہے جہاں پر لوگوں کو انکی ضرورت کے مطابق لکڑی میسر آئے گی اور اس طرح غیر قانونی کاروبار کی بھی حوصلہ شکنی ہوگی۔ عوامی حلقوں نے حکومت سے مطالبہ کیا ہے کہ چترال میں عمارتی لکڑی کی ضبط کرنے کے بعد انہیں ضلع سے باہر ٹمبر مارکیٹ منتقل کرنے پر مکمل پابندی عائد کرکے ایسے عمارتی لکڑی کو چترال کے اندر ہی نیلام کیا جائے۔ عوامی حلقوں کا یہ بھی مطالبہ ہے کہ چترال میں ضبط شدہ لکڑی کو دیگر اضلاع منتقل کرنا علاقے کے ساتھ ناانصافی ہے لہذا چترال کے اندر ٹمبر مارکیٹ کو فروغ دیکر لوگوں کو سہولت پہنچائی جائے۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی