چترال (نمائندہ چترال میل)جمعہ کے روز چترال سے قومی اسمبلی کے رکن مولانا عبدالاکبر چترالی کے توجہ دلاؤ نوٹس کا جواب دیتے ہوئے پانی اور بجلی کے وفاقی وزیر عمر ایوب خان نے قومی اسمبلی کو بتایاکہ واپڈا میں میٹر ریڈروں کی کمی صرف چترال میں نہیں ہے بلکہ تمام صوبوں اور علاقوں میں یہ مسئلہ درپیش ہے جسے حل کرنے کے لئے عنقریب 10ہزار میٹر ریڈر خالصتاً میرٹ پر بھرتی کئے جائیں گے جس کے بعد بجلی کے صارفین کے لئے اووربلنگ کا مسئلہ ہمیشہ کے لئے حل ہوگا۔ اسمبلی کا اجلاس بعد میں غیر معینہ مدت کے لئے ملتوی کردی گئی۔