چترال (محکم الدین ) چترال اسپیشل پیپلز آرگنائزیشن (سی ایس پی او) کے صدر ثناء اللہ اور نائب صدر ارشاد الحق نے کہاہے۔ کہ چترال میں 5ہزار خصوصی افراد رجسٹرڈ ہیں۔جو کہ انتہائی مشکل حالت میں زندگی گزار رہے ہیں، اس معاشرے اور حکومت میں خصوصی افراد کے مسائل سننے والا کوئی بھی نہیں ہے۔ جو ان کی حالت زار پر رحم کھاسکے۔ چترال پریس کلب میں میڈیا سے بات چیت کرتے ہوئے انہوں نے کہا۔ کہ چترال سپیشل پیپلز آرگنائزیشن ایک واحد ادارہ ہے، جو چترال کے خصوصی افراد کیلئے کام کرتا ہے۔ اور اب تک کئی خصوصی افراد کو ویل چئیر اور علاج معالجے کی سہولت فراہم کر چکی ہے۔ لیکن جو مدد اور تعاون تندرست اور صحت مند افراد کی طرف سے اُن کے ساتھ ہونا چاہیے۔ وہ نہیں کیا جا رہا۔ اس لئے وہ مایوسی کا شکار ہیں۔ انہوں نے کہا، کہ اسپیشل پیپلز آرگنائزیشن حکومتی اور عوامی سطح پر عدم تعاون کے باوجود اپنی بساط کے مطابق اُن افراد کی مدد کر رہا ہے ۔ جن کی مجبوریوں کو تندرست و توانا لوگ نہیں سمجھ سکتے۔ ثناء اللہ نے کہا۔ کہ یہ کتنی افسوس کی بات ہے۔ کہ چترال میں ایک واحد اسپیشل ایجوکیشن سنٹر ہے۔ وہ بھی پرائمری تک محدود ہے۔ اور اُس میں سہولیات نہ ہونے کے برابر ہیں۔ انہوں نے مطالبہ کیا۔ کہ اسپیشل ایجوکیشن کو کم آز کم میٹرک تک اپگریڈ کیا جائے۔ تاکہ خصوصی افراد صرف پرائمری تک محدود نہ رہیں۔ صدر سی ایس پی او نے کہا۔ کہ یہ چترال کیلئے ایک اعزاز کی بات ہے۔ کہ چترال اسپیشل پیپلز آرگنائزیشن کی کوششوں سے پچھلے تین سالوں سے آل پاکستان اسپیشل فیسٹول ایبٹ آباد میں شرکت کرکے بچوں نے کئی ایوارڈ اور گولڈ میڈل حاصل کئے۔ اور پورے ملک میں نام پیدا کیا۔ انہوں نے کہا۔ کہ اب ملاکنڈ کی کرکٹ ٹیم چترال کا دورہ کرنا چاہتی ہے۔ اس لئے چترال کی ضلعی حکومت، ضلعی انتظامیہ اور چترال کے تمام NGO,sسے مطالبہ ہے۔ کہ اُن کی رہائش اور طعام کا انتظام کرکے چترال کے اسپیشل افراد اور آنے والے اسپیشل مہمانوں کی حوصلہ افزائی کریں۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے