چترال (نمائندہ چترال میل) خیبر پختونخوا بار کو نسل کے رکن عبدالولی خان عابد ایڈوکیٹ، ڈسٹرکٹ بار ایسوسی ایشن چترال کے صدر خورشید حسین مغل ایڈوکیٹ، جنرل سیکرٹری وقاص احمد ایڈوکیٹ، نے ڈسٹرکٹ بار کے دیگر ممبران شعیب احمد ایڈوکیٹ، تنزیل الرحمن ایڈوکیٹ اور آفتاب حسین ایڈوکیٹ کی معیت میں ایک پریس کانفرنس سے خطاب کرتے ہوئے چیف جسٹس آف پاکستان میاں ثاقب نثارکا شکریہ ادا کرتے ہوئے کہا ہے کہ گزشتہ دنوں دورہ چترال کے موقع پر ان کی خدمت میں پیش کردہ عوامی مسائل پر فوری کاروائی کرکے انہوں نے چترالی عوام کے دلوں کو امیدوں سے بھر دیا ہے جوکہ حکومتی اقدامات کی وجہ سے مایوسی کے دلدل میں پھس گئے تھے۔ انہوں نے چیف جسٹس سے مزید مطالبہ کیا کہ پسما ندگی سے دوچار چترالی عوام کو فوری طور پر ریلیف پہنچایا جائے کیونکہ متعدد ترقیاتی منصوبہ جات کی منسوخی اور تاخیر کی خبر سے چترال کے طول وعرض میں مایوسی کی لہر دوڑ گئی ہے۔ انہوں نے کہاکہ چترال میں نیشنل ہائی وے اتھارٹی کے شندور، گرم چشمہ، کالاش ویلیز اور اویرٹو تریچ روڈ وں کو التوا میں ڈالنے، منسٹر ی آف پٹرولیم کی طرف سے چترال، دروش اور ایون میں ایل پی جی ٹینک کے ذریعے گیس کی فراہمی، پیسکو کی طرف سے صارفین بجلی کو بغیر میٹر ریڈنگ کے بل بھیجنے کا سلسلہ ہر ماہ جاری رہنے، دریائے چترال کو ملک کے دیگر حصوں میں دریائے کابل کا نام دینے پر عبدالولی خان عابد ایڈوکیٹ اور ڈسٹرکٹ ہیڈ کوارٹرز ہسپتال میں آئی، آرتھوپیڈک، نیورولوجی، سائیکاٹری کے اسپیشلسٹ مقرر نہ کرنے اور ہسپتال میں ایم آر آئی اور سی ٹی اسکین سمیت لیبارٹری کی سہولیات کی عدم موجودگی کے بارے میں وقاص احمد ایڈوکیٹ نے چیف جسٹس کوان کے دورہ چترال دوران ڈسٹرکٹ بار روم میں آمد کے موقع پر درخواستیں پیش کی گئیں تھیں۔ چیف جسٹس نے درخواستوں پر کاروائی کرتے ہوئے تمام متعلقہ محکمہ جات کے سربراہان اور چیف سیکرٹری خیبر پختونخوا کو حکم دے دیا ہے کہ 11۔اکتوبر سے پہلے پہلے ان شکایات کے بارے میں اپنے جوابات سپریم کورٹ آف پاکستان کو پیش کریں۔ اس موقع پرموجود سماجی وسیاسی شخصیت سردار محمد خان نے بھی سول سوسائٹی کی طرف سے چیف جسٹس کا شکریہ ادا کیا اور عوامی مسائل کو اجاگر کرنے پر وکلاء اور صحافتی برداری کا کی کوششوں کو سراہتے ہوئے سول سوسائٹی کی طرف مکمل تعاون کا یقین دلایا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما