(چترال میل رپورٹ)مشیر تعلیم خیبرپختونخوا ضیاء اللہ بنگش نے چترال کے علاقے ارندو میں گرلزپرائمری سکول میں بم دھماکے کی شدید مذمت کی ہے۔ان کاکہنا تھاکہ بچیوں کے سکول میں دھماکے کا سُن کر بہت افسوس ہوا ہے۔ضیاء بنگش نے اسے تعلیم دشمن عناصر کی جانب سے حملہ قرار دیا اور کہاکہ پولیس کو تحقیقات کی ہدایت کر دی ہے جو جلد حقائق منظر عام پر لائے گی اور اس میں ملوث عوام دشمن عناصر کو قانون کے کٹہرے میں لاکھڑا کریں گے۔مشیر تعلیم نے کہاکہ لڑکیوں کی تعلیم ہماری ترجیحات میں شامل ہے اور وزیراعظم عمران خان کی ہدایت کے مطابق لڑکیوں کو معیاری تعلیم کی فراہمی یقینی بنا رہے ہیں۔انہوں نے کہاکہ صوبے میں لڑکیوں کے مزید سکول قائم کریں گے۔