چترال (محکم الدین) کالاش ویلی رمبور کے جنگل سنجریت میں آگ لگنے سے سینکڑوں دیودار کے درخت جل کر خاکستر ہو گئے ہیں۔ جبکہ آگ مسلسل پھیلتا جارہا ہے۔ جلے ہوئے درختوں کے گرنے سے مزید جنگلات آگ کی لپیٹ میں آ رہے ہیں۔ اور یہ سلسلہ بڑھتا چلا جارہا ہے۔ مذکورہ مقام کے ایک حصے میں اس سے قبل بھی آتشزدگی ہو ئی تھی ۔ لیکن ابھی تک آگ لگانے والوں کو محکمہ فارسٹ اور پولیس گرفتار کرنے میں ناکام رہا ہے۔ مقامی نوجوان قدیر کے مطابق آگ نے بہت بڑے ایریے کو اپنی لپیٹ میں لے لیا ہے اور اُس کے شعلے بہت دور سے دیکھائی دیتے ہیں ۔ آگ بجھانے کیلئے مقامی گاؤں کے لوگ، فارسٹ اہلکار، پو لیس اور لیویز کے جوان متاثرہ مقام پر پہنچ چکے ہیں۔ تاہم آگ بجھانے میں شدید مشکلات پیش آرہی ہیں۔ درین اثنا نومنتخب اقلیتی ایم پی اے وزیر زادہ نے ٓتشزدگی کا سختی سے نو ٹس لیا ہے۔ اور میڈیا سے بات چیت کرتے ہوئے کہا۔ کہ جنگلات کو تباہ کرنے والے افراد کے ساتھ کسی بھی قسم کی رو رعایت نہیں برتی جائے گی۔ اس علاقے میں مافیا گذشتہ کئی سالوں سے دانستہ طور جنگلات کو آگ لگا کر اُس کی آڑ میں فوائد حاصل کرنے کی کوشش کر رہا ہے اور موجودہ آتشزدگی بھی اس سلسلے کی کڑی ہے ۔ جسے کسی صورت معاف نہیں کیا جائے گا۔ انہوں نے محکمہ فارسٹ اور پولیس سے اس توقع کا اظہار کیا۔ کہ وہ اس قسم کے قومی مجرموں کو بے نقاب کریں گے۔ اور اُنہیں قانون کے کٹہرے میں لاکر سامان عبرت بنائیں گے۔ ایم پی اے وزیر زادہ نے کہا۔ کہ حکومت جنگلات کے فروغ کیلئے وسائل خرچ کر رہا ہے۔ جبکہ ناعاقبت اندیش لوگ جنگلات کو تباہ کرنے پر تُلے ہوئے ہیں۔ وزیر زادہ نے توقع کا اظہار کیا۔ کہ ڈپٹی کمشنر چترال، ڈی پی او اور ڈی ایف او چترال اس واقعے کا سنگین نوٹس لیں گے۔ اور مرتکب افراد کو سخت سزا ئیں دلوائیں گے۔ انہوں نے آگ بجھانے کیلئے فوری کاروائی کرنے پر ایس ڈی پی او دروش اقبال کریم اور دیگر اداروں کا شکریہ ادا کیا ہے۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی