چترال(نمائندہ چترال میل) ممبر ڈسٹرکٹ کونسل چترال و چیئرمین ایون اینڈ ویلیز ڈویلپمنٹ پروگرام(اے وی ڈی پی) رحمت الہی و بورڈ آف ڈائریکٹرز ظہیر الدین، محکم الدین و غیرہ نے قائد تحریک انصاف و نامزد وزیر اعظم پاکستان عمران خان و نامزد وزیر اعلی صوبہ خیبر پختونخوا محمود خان سے پرزور مطالبہ کیا ہے۔ کہ کالاش قبیلے سے تعلق رکھنے والے اقلیتی رکن صوبائی اسمبلی خیبر پختونخوا وزیر زادہ کو صوبائی کابینہ میں شامل کرکے چترال کے ساتھ مزید احسان کیا جائے۔ اپنے ایک مشترکہ اخباری بیان میں انہوں نے کہا۔ کہ تحریک انصاف کے قائد عمران خان اور پارٹی کی صوبائی قیادت نے اقلیتی مخصوص نشست چترال کو دے کر یقیناً کالاش کمیونٹی اور چترال کے ساتھ اپنی دلی محبت اور یہاں کے مسائل کے حل میں اپنی دلچسپی کا اظہار کیا ہے۔ جو کہ نہ صرف کالاش کمیونٹی کیلئے فخرکا باعث ہے۔ بلکہ چترال کی تمام کمیونٹیز کیلئے ا نتہائی اعزاز کی بات ہے۔ انہوں نے کہا۔کہ وزیر زادہ کو کمیونٹیز کے مسائل جاننے، کمیونٹی و رورل ڈویلپمنٹ کا وسیع تجربہ حاصل ہے۔ اور اپنی صلاحیتوں کی بدولت انہوں نے تحریک انصاف کی سابقہ حکومت میں بھی اقلیتوں اورمسلم کمیونٹی دونوں کیلئے بلا امتیازقابل قدر خدمات انجام دیے۔ جس پر مسلم اور کالاش کمیونٹیر اسے قدرکی نگاہ سے دیکھتے ہیں۔ اب صوبائی اقلیتی رکن اسمبلی منتخب ہونے کے بعدکالاش برادری بشمول دیگر اقلیت ان سے مزید خدمات کی توقع رکھتے ہیں۔ اس لئے ان خدمات کی انجام دہی کے لیے وزیر زادہ کو صوبائی کابینہ میں شامل کیا جائے۔ انہوں نے کہا کہ وزیر زادہ ایک اعلی تعلیم یافتہ اور نہایت با صلاحیت، فعال شخصیت کے مالک ہیں۔ صوبائی کابینہ میں اس کی شمولیت تحریک انصاف کے انقلابی اقدامات کو رو بہ عمل بنانے کے لئے نہایت سود مندی ثابت ہوگی۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی