ملاکنڈ یونیورسٹی نے بی اے/ بی ایس سی سپلیمنٹری امتحانات 2017 کا اعلان کردیا ہے جوکہ 7 فروری 2018 سے منعقد کئے جائیں گے۔ا س سلسلے میں امیدواروں کے رول نمبر سلپس 18 جنوری 2018 کوان کے گھروں کے مستقل پتوں پر ارسال کردیئے گئے ہیں اور تمام امیدواروں کو اپنے قریبی ڈاکخانوں سے رجوع کرنے کی ہدایت کی گئی ہیں جبکہ امیدواروں کے رول نمبر سلپس یونیورسٹی کی ویب سائٹ www.uom.edu.pk پر اپ لوڈ کردئیے گئے ہیں جوکہ امیدوار اپنے نام / والد کانام یارجسٹریشن نمبر پر ڈھونڈ سکتے ہیں اور اگر کوئی امیدوار 2 فروری 2018 تک اپنی رول نمبر سلپ حاصل نہ کرسکے تو وہ مذکورہ تاریخ کے بعد دفتری اوقات کار کے دوران یونیورسٹی سے رابطہ کرسکتے ہیں۔ امیدوار اپنے الاٹ شدہ امتحانی ہال میں اپنے اوریجنل رول نمبر سلپ کے بغیر جاسکتے ہیں۔وہ اپنا رول نمبر سلپ یونیورسٹی ویب سائٹ سے ڈاؤن لوڈ کرکے استعمال کرسکتاہیں۔ ہر ایک حالت میں امتحانات کے دوران امیدوار کے لئے اوریجنل کمپیوٹرائزڈشناختی کارڈ اپنے پاس رکھنا لازمی ہے۔ اس امر کا اعلان کنٹرولر امتحانات ملاکنڈ یونیورسٹی کی جانب سے جاری کئے گئے ایک اعلامیہ میں کیاگیاہے۔