چترال (نمائندہ چترال میل) چیف جسٹس پشاور ہائی کورٹ جسٹس یحیٰ افریدی نے ڈسٹرکٹ بار ایسوسی ایشن چترال کے صدر ساجد اللہ ایڈوکیٹ کے ان تینوں درخواستوں کو پیٹیشن میں بدل کر سماعت کے لئے منظور کیا ہے جوکہ ضلعے کے اندر تین مختلف روڈ پراجیکٹوں میں کام کی سست روی کے بارے میں شکایت کے طور پر لکھے گئے تھے۔ ساجداللہ ایڈوکیٹ نے چترال پریس کلب میں میڈیا کو بتایاکہ بونی بزند تورکھو روڈ اور بونی مستوج روڈ اور لواری ٹنل کے دونوں اپروچ روڈ شامل ہیں جن میں کام انتہائی سست رفتاری سے جاری ہے۔ ان کا کہنا تھا یہ تمام روڈ پراجیکٹ انتہائی اہمیت کے حامل ہیں جن کی تکمیل میں غیر معمولی تاخیر سے دوسرے شعبوں میں ترقیاتی منصوبے بالواسطہ یا بلاواسطہ متاثر ہورہے ہیں۔ انہوں نے کہاکہ جب حکومت نے بار بار یاددہانی کے باجود داداروں کی اس مجرمانہ غفلت کا نوٹس نہیں لیا توانہوں نے مجبوراً پشاور ہائی کورٹ کے چیف جسٹس کی نوٹس میں لانے کا فیصلہ کیا جس پر انہوں نے کمال مہربانی سے توجہ دیتے ہوئے ان درخواستوں کو رٹ پیٹیشن میں بدلتے ہوئے دسمبر کی 12تاریخ کو پیشی کی تاریخ مقرر کی تھی جبکہ اس دن وکلاء کی ہڑتال کی وجہ سے پیشی نہ ہوسکی اور عنقریب نئی تاریخ مقرر کی جائے گی۔ ان کا کہنا تھاکہ سول سوسائٹی کے ایک ذمہ دار تنظیم کی حیثیت سے ڈسٹرکٹ بار ایسوسی ایشن نے ایسے تمام عوامی مسائل کو حل کرنے میں کردار اداکرے گی جوکہ سرکاری اداروں کی غفلت یا کرپشن کا شکار ہورہے ہوں۔ انہوں نے کہاکہ پشاور ہائی کورٹ کے سامنے بار ایسوسی ایشن مذکورہ روڈ منصوبوں میں کوتاہی، غفلت اور کرپشن کے تمام ثبوت پیش کرے گی تاکہ اربوں روپے سرکاری خزانے سے خرچ ہونے کے باوجودا س پسماندہ ضلعے کے عوام ان کے ثمرات سے محروم نہ رہ جائیں۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ