پشاور (نما یندہ چترال میل)امریکہ کے شہر بوسٹن میں منعقد ہونے والے بین الاقوامی جینیاتی مشینی مقابلے (iGEM)میں سلور میڈل جیتنے والی پاکستانی طلبہ کی ٹیم کو بدھ کے روز خیبر پختونخوا کے ایڈیشنل چیف سیکرٹری پلاننگ اینڈ ڈیویلپمنٹ ڈاکٹر شہزاد خان بنگش نے اعزازی شیلڈز سے نوازا۔اعزازی شیلڈ دینے کی تقریب محکمہ پی اینڈ ڈی کے کمیٹی روم پشاور میں منعقد ہوئی جس میں سیکاز یونیورسٹی کے وائس چانسلر ڈاکٹر ریاض خٹک،ڈین سیکاز یونیورسٹی اعظم العصر،ڈائریکٹر و ٹیم سپر وائزر ڈاکٹر فیصل،محکمہ پی اینڈ ڈی کے چیف انڈسٹریز میاں عاصم اسماعیل و دیگر متعلقہ حکام بھی موجود تھے جبکہ اس موقع پر سیکاز یونیورسٹی پشاور کی زیر میزبانی مختلف یونیورسٹیوں کے طلباء جنہوں نے گزشتہ دنوں امریکہ کے شہر بوسٹن میں عالمی جینیاتی مشینی مقابلے میں سلور میڈل جیتا تھا کو اعزازات سے نوازا گیا اور ان کی سائنسی تحقیق کی پذیرائی کی گئی۔مذکورہ تحقیقی ٹیم نے ایک رپورٹر مچھلی بنانے کے حوالے سے اپنا تحقیقی کام کیا تھا جو تازہ پانی میں بھاری دھاتوں کی آمیزش کا پتہ چلانے اور آمیزش ہونے پر اپنا رنگ تبدیل کرنے کی صلاحیت رکھتی ہے۔اس عمل کیلئے درکار جینیٹک (ڈی این اے)سرکٹ بھی ٹیم نے ہی ڈیزائن اور تیار کیا تھا جس کا بیکٹریا سیل میں ٹیسٹ کیا گیا تھا۔تحقیقاتی ٹیم کے مطابق اس تجربہ سے ملک بھر میں مچھلی کی افزائش کرنیوالوں کے روزگار اور صارفین کی صحت پر براہ راست مثبت اثرات مرتب ہوں گے۔تحقیقاتی ٹیم میں محمد داؤد،اشما فاروق،حسن رضا،حسنین قاسم،عائشہ خان،بابر نواز،شہزاد جہانگیر،شاہیر علی،حارث عالم،محمد اسماعیل و دیگر شامل تھے جنہوں نے سیکاز یونیورسٹی کی میزبانی میں مذکورہ مقابلے میں حصہ لیا جبکہ ٹیم میں دیگر یونیورسٹیوں کے طلباء بھی شامل تھے۔اس موقع پر ایڈیشنل چیف سیکرٹری محمد خان بنگش نے کہا کہ پاکستانی طلبہ کی مذکورہ تحقیق مصنوعی حیاتیات کے شعبے میں مستقبل میں اہم کردار ادا کرے گی اور اس سے عالمی اور پاکستان کی معیشت پر مثبت اثرات مرتب ہوں گے۔انہوں نے کہا کہ اس مشن میں حصہ لینے والے طلبہ کا جذبہ قابل قدر ہے جنہوں نے مستقبل کے لئے ایک عظیم کوشش کی ہے۔انہوں نے ٹیم کو پاکستان کے لئے سلور میڈل جیتنے پر خراج تحسین پیش کیا اور کہا کہ پاکستانی قوم تحقیق کے میدان میں کسی سے پیچھے نہیں اور اس حقیقت کو iGEMٹیم نے ثابت کر دیا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا