(چترال میل رپورٹ)محکمہ بلدیات حکومت خیبر پختونخواکے ترجمان نے بعض اردو اخبارات میں محکمہ میں 1700سے زائد اسامیوں پر تعیناتیاں نہ ہونے سے متعلق شائع شدہ خبر کی سختی سے تردید کرتے ہوئے وضاحت کی ہے کہ خیبر پختونخوا کے محکمہ بلدیات کے زیر نگرانی صوبے کے تمام اضلاع میں مقامی حکومت کے تین زمروں میں کام کیا جارہا ہے،،مصروف ترین محکمے کے پچاس ہزار ملازمین خدمات سرانجام دینے میں مصروف ہیں۔صوبے میں نئے بلدیاتی نظام کے رائج ہونے کے بعد ویلج اور نیبر ہوڈ کونسلز کے لگ بھگ 44ہزار بلدیاتی نمائندگان بھی محکمہ بلدیات کی زیر نگرانی اپنے امور کی انجام دہی میں مصروف عمل ہیں۔ محکمے میں مختلف مراحل میں خالی ہوجانے والی پوسٹوں کو وقتاً فوقتاً پر کیا جاتا ہے تاکہ محکمہ جاتی امور بلاتعطل رواں رہیں۔ محکمہ بلدیات میں موجودہ وقت میں بھی مختلف وجوہات کی بنا پر خالی ہوجانے والی ملازمین کی پوسٹوں کو قانونی تقاضوں کے مطابق پرکرنے کا مرحلہ جاری ہے۔ صوبے کی بیشتر نیبر ہڈ اور ویلج کونسلز میں سیکرٹریز کی 450سے زائد اسامیاں ایٹا ٹیسٹ کے ذریعے اور نائب قاصدین کی 530 خالی کردہ پوسٹوں کو پر کرنے کے لیے بھرتی اشتہارات مشتہر کیے جاچکے ہیں واضح رہے کہ نائب قاصدین اور ویلج کونسل سیکرٹریز کی یہ اسامیاں حال ہی میں تخلیق کی گئی ہیں جبکہ لوکل کونسل بورڈ کی گریڈ گیارہ سے گریڈ سترہ تک کی 137 خالی پوسٹیں پبلک سروس کمیشن کے ذریعے مشتہر کی گئی ہیں اور ترقی پانے والے افسران کی خالی پوسٹوں پر قواعد وضوابط کے مطابق تعیناتیا ں کی جارہی ہیں۔ان خالی پوسٹوں پر رواں برس کے آخر تک بھرتی کا عمل مکمل ہوجائے گا۔ترجمان نے کہا کہ محکمہ بلدیات کے امور کو ملازمین کی خالی پوسٹوں کے باعث کوئی دقت یا تعطل کا سامنا نہیں کرنا پڑرہاکیونکہ بڑے پیمانے پر کام کرنے والے اس محکمے میں ملازمین کو اضافی ذمہ داریاں تفویض کرکے سرکاری امور کی انجام دہی کی جارہی ہے۔ترجمان نے صحافی برادری سے اپیل بھی کی کہ وہ کسی خبر کو شائع کرنے سے پہلے اس کی تصدیق کر لیا کریں۔
۔۔۔۔۔۔۔۔۔۔۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے