پشاور (نما یندہ چترال میل)این ٹی ایس کے ذریعے بھرتی ہونے والے اساتذہ نے خیبر پختونخواکے وزیر ابتدائی و ثانوی تعلیم محمد عاطف خان کی یقین دہانی پر اپنی مستقلی کے لئے29اکتوبر 2017کو ہونے والا بنی گالہ میں اعلان کردہ دھرنا فوری طور پر ملتوی کر دیا ہے اور اپنی ڈیوٹی جاری رکھنے کا اعلان کیاہے۔یہ اعلان این ٹی ایس ٹیچرز ایسوسی ایشن کے ایک وفد جس کی قیادت ایسوسی ایشن کے صوبائی صدر ایاز علی خان کررہے تھے نے جمعہ کے روز پشاورمیں وزیرتعلیم کے ساتھ ایک ملاقات میں کیا۔اس موقع پردوسروں کے علاوہ آل ٹیچرز کوآرڈینیشن کونسل کے صوبائی صدمحمدوہاب منصوری، کونسل کے صوبائی ممبران محمد شیر خان اور بخت افسرخان،این ٹی ایس ٹیچرز ایسوسی ایشن ملاکنڈ کے صدر جوہر زمان اور ایسوسی ایشن کے دیگر عہدیدار بھی موجود تھے۔وزیر تعلیم نے موقع پرہی اس سلسلے میں وزیر اعلیٰ پرویز خٹک سے رابطہ کیااور سیکرٹری تعلیم اور سیکرٹری قانو ن کو ہدایت کی کہ وہ این ٹی ایس اساتذہ کی مستقلی کا عمل ایمرجنسی بنیادوں پر 30دنوں میں مکمل کریں۔ عاطف خان نے کہا کہ پی ٹی آئی کی صوبائی حکومت نے صوبے کی تاریخ میں این ٹی ایس کے ذریعے 40ہزاراساتذہ خالصتاً میرٹ پربھرتی کئے اور مزید 16ہزار عنقریب اس طریقہ کار پر بھرتی کررہے ہیں جس پر انہیں فخر ہے کیونکہ آج تک کوئی ان بھرتیوں پر انگلی نہیں اٹھا سکا۔انہوں نے کہا کہ چونکہ یہ اساتذہ ماضی کے برعکس خالصتاً میرٹ پر بھرتی ہوئے ہیں اس لئے ان کی مستقلی کا حق بنتاہے اور وہ پہلے ہی اس کیلئے ہدایات جاری کر چکے ہیں۔
تازہ ترین
- ہوماسلام آباد میں دھرنا میں شرکت کے لئے جماعت اسلامی لویر چترال کا قافلہ مولانا جمشید احمد کی قیادت میں چترال شہر سے روانہ
- ہومپی ٹی آئی کے رہنماؤں نے بانی پی ٹی آئی عمران خان کو فوری طور پر رہا کرنے کا مطالبہ ، چترال میں احتجاجی جلسہ
- ہوم۔ اپر چترال میں درجہ حرارت میں اضافے کے نتیجے میں مختلف مقامات پر گلیشئیرز کے پگھلنے کا عمل جاری ہے جس سے دریائے چترال میں اونچے درجے کا سیلاب
- ہومچترال میں مون سون کی شجرکاری مہم کا باقاعدہ آغاز، ڈی پی او آفس میں تقریب، کمیونٹی میں مفت پودے تقسیم کئے گئے
- ہومڈسٹرکٹ پولیس آفیسر لوئر چترال افتخار شاہ نے ڈسٹرکٹ ہیڈکوارٹر ہسپتال چترال جاکر مایہ ناز پولو پلئیر شجائالحق کی عیادت کی.
- مضامیندادبیداد۔۔انٹر نیٹ ما فیا۔۔ڈاکٹر عنا یت اللہ فیضی
- ہوماپر چترال کے علاقہ میراگرام نمبر 1 میں ایک شادی شدہ خاتون نے اپنے کمرے میں گلے میں دوپٹہ ڈال کرخودکشئ کر لی
- مضامینداد بیداد۔۔فلسفی اور قانون دان۔۔ڈاکٹر عنا یت اللہ فیضی
- مضامیندھڑکنوں کی زبان۔۔۔۔محمد جاوید حیات۔۔۔۔خاک میں کیا صورتیں۔۔۔
- ہومچترال کے معروف سماجی شخصیت عظمت عیسی سابق پبلک پراسیکیوٹر انتقال کر گئے