چترال(نمائندہ چترال میل)وزیر اعظم شاہد خاقان عباسی کا اکتوبر میں دورہ چترال موقع ہے۔ تفصیلات کے مطابق وزیر اعظم شاہد خاقان عباسی اکتوبر کے مہینے میں چترال کا دورہ کرینگے جسکی دعوت انہیں رکن قومی اسمبلی شہزادہ افتخارالدین نے دی ہے۔ اپنے دورہ چترال کے موقع پر وزیر اعظم چترال میں کئی ایک منصوبوں کا افتتاح کرینگے۔ اس حوالے سے ذرائع کا کہنا ہے کہ چند دن قبل سابق وزیر اعظم نواز شریف نے رکن قومی اسمبلی شہزادہ افتخار الدین سے ٹیلی فون پر گفتگو کرتے ہوئے کہا کہ چترال کے حوالے جتنے بھی منصوبے وفاقی اے ڈی پی میں شامل کئے گئے ہیں انہیں ہر حال میں مکمل کیا جائیگا اور مزید بڑے منصوبے شروع کئے جائینگے۔چترال کے دورے کے حوالے سے رکن قومی اسمبلی شہزادہ افتخار الدین نے وزیر اعظم شاہد خاقان عباسی سے ملاقات کی اور انہیں چترال کے دورے کی دعوت دی۔اس سلسلے میں رکن قومی اسمبلی شہزادہ افتخارالدین نے وزارت مواصلات میں ایک خصوصی اجلاس میں شرکت کیں جس میں فیصلہ کیا گیا کہ وفاقی حکومت کی طرف سے چترال کے لئے منظور شدہ بڑے منصوبوں کے حوالے سے پیش رفت کا جائزہ لینے اور وزیر اعظم کے متوقع دورے کے انتظامات کے حوالے سے چار وفاقی وزراء جلد ہی چترال کا دورہ کرینگے۔ممکنہ طور پر چترال کا دورہ کرنے والے چار وفاقی ورزاء میں وزیر مواصلات،وزیر صحت طاہرہ افضل تارڑ،پانی و بجلی کے وزیر سید جاویدعلی شاہ اور تیل اور گیس کے وزیر جام کمال شامل ہیں۔ وفاقی وزیر مواصلات کے ساتھ میٹنگ میں وزیر موصوف نے چترال گرم چشمہ،بونی مستوج،تورکہو روڈ،کلکٹک،دروش چترال روڈ پر پیش رفت کو مزید تیز کرنے کے ساتھ ساتھ چترال بمبوریت روڈ کو ایکنک کے اگلے اجلاس میں پیش کرنے پر اتفاق کیا ہے۔وفاقی وزیر مواصلات نے نیشنل ہائی ویز اتھارٹی کے زیر نگرانی تعمیر ہونے والے ان سڑکوں پر ضابطے کی کاروائی کو مزید تیز کرنے کا اعادہ کیا اور جلد ہی ان پر عملاً کام شروع کیا جائیگا۔
معلوم ہوا ہے کہ اس سلسلے میں نیشنل ہائی ویز اتھارٹی کے ممبر پلاننگ اگلے ہفتے کے دوران چترال کادورہ کرکے تریچ سے اویر تک ٹرک ایبل روڈ کی تعمیر کا جائزہ لینگے اور اس سلسلے میں کاروائیوں کا آگے بڑھایا جائیگا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما