چترال (نمائندہ چترال میل)وادی کریم آباد کے منتخب نمائندوں اور عمائیدیں نے صوبائی حکومت سے مطالبہ کیا ہے کہ ماحول کو ناقابل تلافی نقصان پہنچانے والوں کی طرفداری اور سرپرستی کرنے والے ڈپٹی کمشنر چترال شہاب احمد یوسفزئی کے خلاف فوری کاروائی کرتے ہوئے انہیں معطل کرکے چترال سے ٹرانسفر کیا جائے ورنہ وادی کے عوام ان کے خلاف سخت ترین احتجاج کرنے پر مجبور ہوں گے۔ جمعرات کے روز چترال پریس کلب میں ایک پریس کانفرنس سے خطاب کرتے ہوئے سابق ضلع نائب ناظم سلطان شاہ، کریم آباد سے ضلع کونسل کے رکن یعقوب خان، ویلج کونسل ناظم علی مراد شاہ اور دیگر عمائیدیں محمد صابر خان، قربان خان اور حضرت علی خان نے کہاکہ وادی کو سیلاب کے خطرے سے بچانے اور جنگلی حیات کے تحفظ کے لئے گیارہ سال پہلے ڈاکٹر شہزادہ حیدر الملک آف شوغور اور کریم آباد کے 800گھرانے ایک معاہدے کے تحت بکریاں پالنے پر مکمل پابندی عائدکرتے ہوئے اپنی بکریوں کو فروخت کردیا تھالیکن گزشتہ ماہ ڈاکٹر شہزادہ حیدر الملک نے اس معاہدے کی انتہائی ڈھٹائی سے خلاف ورزی کرتے ہوئے بکریاں پالنا شروع کردیا ہے۔ انہوں نے کہاکہ شہزادہ حیدر کو ڈپٹی کمشنر چترال شہاب حامد یوسفزئی کی مکمل اشیر باد حاصل ہے جوکہ پی ٹی آئی کی صوبائی حکومت کی پانچ نکاتی ایجنڈاکی سراسر خلاف ورزی ہے جس میں ماحولیات کی تحفظ کو اولیت حاصل ہے۔ انہوں نے کہاکہ بکریاں نہ پالنے کا فائدہ 2015ء میں اُ س وقت سامنے آیا جب ضلعے کے دیگر علاقوں میں سیلاب نے تباہی مچادی لیکن کریم آباد وہ واحد علاقہ تھا جوکہ سیلاب کی تباہ کاری سے محفوظ رہا اور یہی وجہ ہے کہ کریم آباد کے عوام اپنی تحفظ کے لئے بکریاں پالنے کی مخالفت کررہے ہیں۔ انہوں نے بتایاکہ گیارہ سال پہلے ڈاکٹر شہزادہ حیدر الملک کی تین من مانی مطالبات کو پورا کرتے ہوئے علاقے کے عوام نے ان کے گھر کے لئے روڈ تعمیرکیا، عوام کے اپنی مدد آپ کے تحت تعمیر کردہ بجلی سے ٹرانسمیشن لائن بچھاکر ان کو بجلی فراہم کردی اور ساتھ ان کے بنجر زمین پر 8ہزار سے ذیادہ درخت لگائے۔ انہوں نے کہاکہ جب وہ معاہدے کی خلاف ورزی کی تو کریم آباد کے پرامن عوام نے ان کی بکریوں کو پولیس کے حوالے کردیا جس پر 24بے گناہ افراد پر گھناونے جرائم کی دفعات لگاکر ان کو گرفتار کیا گیا۔ انہوں نے کہاکہ ایک طرف پی ٹی آئی حکومت محکمہ صحت میں انقلابی اقدامات کا دعویدار ہے اور آئی ایم یو قائم کرکے کڑی نگرانی کا دعویدار ہے لیکن دوسری طرف ڈاکٹر حیدرالملک علاقے کوئی ڈیوٹی سرانجام دینے کی بجائے گزشتہ ایک ماہ سے چراگاہ میں بکریوں کی نگرانی کررہے ہیں جس میں ڈی۔ایچ۔او چترال ان کی معاونت کررہے ہیں۔ کریم آباد کے عوام نے اس بات پر بھی افسوس کا اظہار کیاکہ اس بات کو مذہبی رنگ دینے کی کوشش کرکے ڈاکٹر حیدر ہمدردی بٹورنا چاہتے ہیں۔ انہوں نے کہاکہ لوٹ کوہ کے عوام نے 35سال تک ڈاکٹر حیدر کے خاندان کو ووٹ دے کر اقتدار میں رکھا جس پر اب دوبارہ سوچا جارہا ہے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما