چترال (بشیر حسین آزاد) پاکستان تحریک انصاف کے رہنما شہزادہ امان الرحمن نے کہا ہے کہ وہ صوبائی اسمبلی کے حلقہ پی۔کے ون سے پی ٹی آئی کے نامزد امیدوار اسرارالدین کی مکمل حمایت کررہے ہیں جبکہ اپنے کاغذات نامزدگی کو مقررہ تاریخ پر واپس نہ لے سکنے کی وجہ سے ان کا نام امیدواروں کی فہرست میں رہ گئی ہے جس کی وجہ سے کنفیوژن پیدا ہوگئی ہے۔ پیر کے روز پارٹی رہنماؤں عبدالرزاق، وزیر زادہ کالاش، امین الحسن، جمشید احمد اور دوسروں کی معیت میں چترال پریس کلب میں ایک پریس کانفرنس سے خطاب کرتے ہوئے انہوں نے کہاکہ وہ کور نگ امیدوار کے طور پر کاغذ ات نامزدگی جمع کرایا تھا لیکن انہیں واپس نہ لینے کی وجہ سے ان کا نام آزاد امیدوا ر وں میں شامل ہے اور انہیں انتخابی نشان مٹکا بھی الاٹ کی گئی ہے۔ انہوں نے وضاحت کرتے ہوئے کہاکہ وہ پی ٹی آئی کے نظریاتی کارکن ہے اور آنے والے انتخابات میں پارٹی کے امیدوار برائے صوبائی اسمبلی اسرارالدین اور قومی اسمبلی کے امیدوار عبداللطیف کا بھر پور ساتھ دیں گے اور ان کی کامیابی کے لئے جدوجہد میں کوئی کسر نہیں چھوڑیں گے۔ ایک سوال کے جواب میں انہوں نے کہاکہ لوٹ کوہ وادی میں 2013ء کے الیکشن میں اپنے حاصل کردہ ووٹوں سے کہیں ذیادہ ووٹ پی ٹی آئی کو دلواکر اس پارٹی کی کامیابی کا راستہ ہموار کریں گے اور اس کے لئے وہ ذیادہ سے ذیادہ وقت انتخابی مہم میں اسی طرح لگائیں گے جو انہوں نے گزشتہ انتخابات میں اپنے لئے کیا تھا۔ انہوں نے ایک اور سوال کا جواب دیتے ہوئے کہاکہ اس بار سوشل میڈیا کا استعمال عام ہونے کی وجہ سے وہ اپنے بارے میں کنفیوژن کو عام ووٹروں کے ذہنوں سے نکالنے میں انہیں آسانی ہوگی۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے