(چترال میل رپورٹ)وزیراعلیٰ خیبر پختونخوا پرویز خٹک نے قوم کو عید الفطر کی مبارکباد دیتے ہوئے کہا ہے کہ امن، اتحاد اور در گذر عیدالفطر کی روح ہے جو مسلمانوں میں جذبہ ایمانی کو تقویت دیتی ہے اور ملت اسلامیہ میں اجتماعیت و یگانگت کی سوچ پیدا کرتی ہے۔ عیدالفطر کے موقع پر پاکستان سمیت دنیا بھر کے مسلمانوں خصوصاً خیبر پختونخوا کے عوام کے نام اپنے تہنیتی پیغام میں وزیر اعلیٰ نے کہا کہ عید الفطر کا فلسفہ یہی ہے کہ رمضان کی صورت میں اللہ تعالیٰ کی عطا کردہ نعمتوں کا شکریہ ادا کیا جائے اور آپس میں ذاتی اختلافات کو بھول کر بطور ملت اسلامیہ یکجہتی کا اظہار کیا جائے۔عید الفطر کی صورت میں ماہ مقدس رمضان کے دوران اللہ تعالیٰ کی طرف سے رحمت، مغفرت اور نار جہنم سے نجات کی صورت میں نعمتوں پر تشکر و فرحت کا اظہار کیا جاتا ہے۔ امیر اور غریب سب مل کر اس خوشی کو مناتے ہیں جو قدرت کا ایک نادر تحفہ ہے۔ پرویز خٹک نے کہا کہ صدقہ فطر کی ادائیگی کا مقصد بھی معاشرے کے مفلس اور نادار لوگوں کو اس خوشی میں شریک کرنا ہے تاکہ حقیقی معنوں میں اجتماعیت کو فروغ دیا جا سکے۔ پاکستان تحریک انصاف اسی فلسفہ ء اجتماعیت اور جذبہء انفاق کے تحت معاشرے سے ظلم کے خاتمے، حقدار کو حق کی فراہمی، عدل و انصاف کی بالادستی اور غریب کی خوشحالی کے لئے جدوجہد کر رہی ہے۔معاشرے کے پسے ہوئے طبقات کو ظالم نظام اور سرمایہ دارانہ سوچ سے نجات دلانا تحریک انصاف کا مشن ہے۔وزیر اعلیٰ نے کہا کہ عید الفطر میں اسلام دشمن قوتوں کے لئے پیغام ہے کہ مسلمان امن کے داعی، محبت کے امین اور دہشت گردی کے خلاف ہیں۔وزیراعلیٰ نے اس موقع پر سیکورٹی فورسز کے شہداء کو خراج تحسین پیش کیا اور دشمن کے مذموم عزائم کو خاک میں ملانے اور امن کے قیام کیلئے بر سر پیکار نوجوانوں کو خصوصی مبارک باک دی اور انہیں یقین دلایا کہ قوم انکے ساتھ کھڑی ہے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے