چترال (نمائندہ چترال میل)راولپنڈی سے چترال آنے والی کوسٹر بس لواری ٹاپ کے پہاڑی سلسلے میں دارو خوڑ کے قریب حادثے کا شکار ہوگیا جسکے نتیجے میں 11افراد جان بحق اور 10افراد زخمی ہو گئے جان بحق افراد میں ایک ہی خاندان کے پانچ افراد شامل ہیں ۔ تفصیلات کے مطابق بد قسمت کوسٹر گاڑی نمبر C-2033 جسے ڈرائیور خالق استاذ سکنہ کشمیر چلارہا تھا گذشتہ رات 8بجے پیر ودہائی راولپنڈی کے کرسٹل لائن اڈے سے چترال کے لئے روانہ ہوچکا تھا۔ اڈہ ذرائع کے مطابق اس بس میں کل 27 افراد سوار تھے جن میں 23مسافر اور دوبچے، گاڑی کا ڈرائیور اور کلینیئر شامل ہیں۔ یہ حادثہ صبح ساڑھے سات بجے دارو خوڑ کے قریب اس وقت پیش آیا جب بدقسمت بس مخالف سمت سے آنے والے ٹرک کو راستہ دے رہا تھا۔ اس وقت گاڑی سے کلنیئر اور ایک مسافر نیچے اتر گئے تھے۔ حادثے کے فوری بعد مقامی رضارکاروں، پولیس، آرمی اور سکاؤٹس کے اہلکاروں اور لواری ٹنل پراجیلٹ میں کام کتنے والے اہلکارعن نے امدادی سرگرمیاں شروع کردیں۔ دیر پولیس کے اے ایس آئی صاحب نبی سکنہ برنس کی قیادت میں پولیس ٹیم جائے وقوعہ پر موجود رہی۔ جان بحق افراد اور زخمیوں کو ڈسٹرکٹ ہیڈ کوارٹر ہسپتال دیر منتقل کر دیا گیا۔ حادثے کی اطلاع ملتے ہیں ڈی ایچ کیو ہسپتال دیر بالا میں ایمرجنسی نافذ کر دی گئی۔ڈی ایچ کیو ہسپتال دیر بالا میں موجود دیر پولیس کے سب انسپکٹر محمد اسلام نے مشرق سے گفتگو کرتے ہوئے بتایا کہ حادثے میں جان بحق افراد میں سراج الدین ولد نظام الدین سکنہ اوسیک دروش، سید ہیبت اللہ ولد سید ظفر علی شاہ سکنہ گلشن آباد راولپنڈی، امیر سلام ولد محمد اسلام سکنہ باجوڑ، محمد شفیع ولد غلام نبی سکنہ بروم کاغ کوشٹ، سید کلیم اللہ ولد سید ہیبت اللہ سکنہ راولپنڈی، سعدیہ دختر سید ہیبت اللہ سکنہ راولپنڈی، مولانا زار نبی ولد شیر خان سکنہ شاگروم تریچ ان کا بھایی محب الرحمن ولد شیر خان سکنہ شاگروم اور مولانا زارنبی کے تین بچے شامل ہیں۔ پولیس نے زخمی افراد کی جو فہرست بتائی اسکے مطابق زخمی افراد میں بشیر الدین ولد عزیز الدین سکنہ چترال، حاجرہ بی بی زوجہ زر نبی سکنہ موڑکہو چترال، حمیرہ بی بی زوجہ توفیق سکنہ دروش، آصف الدین ولد عبدالحلیم سکنہ موڑکہو، شاہد اقبال ولد نا معلوم چترال، عامر ولد محمد سکنہ کراچی، نقاش ولد شمشاد مسیح فیض آباد چترال، تنویر اللہ ولد نصیر اللہ سکنہ دروش، نادیہ دختر ہیبت اللہ سکنہ راولپنڈی اور محمد عثمان ولد عزیز الحق سکنہ ٹوبہ ٹیک سنگھ شامل ہیں۔ ذمہ دار ذرائع کا کہنا ہے کہ دیر پولیس اور ضلعی انتظامیہ راولپنڈی کے کرسٹل لائن اڈے کے ذمہ داران سے لسٹ منگوا لئے۔ دیر پولیس کی ٹیم جائے وقوعہ پر موجود ہے اور مسافروں کے سامان کو اپنی تحویل میں لے رہی ہے۔ درین اثناء چترال کے علاقہ شاگروم سے تعلق رکھنے والے ایک ہی خاندان کے پانچ افراد کی میتن چترال شہر پہنچا کر ابایٰ گاوں روانہ کر دی گیی ضلع ناطم چترال مغفرت شاہ ،مولان عبدالرحمان نے چترال میں لاشیں وصول کیں انہوں نے غم زدہ خاندان سے تغزیت اور ہمدردی کا اظہار کیا ہے
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے