چترال (نما یندہ چترال میل) چترال کے بالائی علاقہ بروغل میں برف کے تودے کی زد میں آکر جان بحق ہونے والے دو افراد کی لاشوں کو نکالنے کیلئے امدادی کاروائیاں جاری ہیں۔ جس میں مقامی لوگ، چترال سکاؤٹس اور بارڈر پولیس کے جوان حصہ لے رہے ہیں۔ تاہم برف کے تودے کا حجم بڑے ہونے اور مشینری جائے حادثہ پر نہ پہنچنے کے باعث کام میں مشکلات پیش آرہی ہیں۔ ویلج ناظم بروغل امین جان تاجک نے میڈیاکو بتایا۔ کہ حادثہ چترال شہر سے تقریبا 300کلومیٹر دور بروغل کے گاؤں چیکار میں پیش آیا ہے۔ اور چترال شہر سے وہاں تک پہنچنے کیلئے 48گھنٹوں کا راستہ ہے۔ روڈ کا بڑا حصہ برف کے تودے گرنے، لینڈ سلائڈنگ اور پتھر گرنے کی وجہ سے آمدو رفت کیلئے انتہائی طور پر دشوار گزار ہے۔ انہوں نے کہا کہ اس وقت لاشوں کی تلاش جاری ہے۔ تاہم اُن کیلئے فی الحال سب سے بڑا مسئلہ جان بحق ہونے والوں کے بچوں کو بروغل پہنچانا ہے۔ جو چترال شہر کے سکول اور کالج میں زیر تعلیم ہیں۔ انہوں نے ان بچوں کو بروغل میں اُن کے گھر پہنچانے کیلئے پی ڈی ایم اے اور چیرمین ڈی ڈی ایم اے ڈپٹی کمشنر چترال سے امداد کی اپیل کی ہے۔ کہ اُن کیلئے گاڑی کا انتظام کیا جائے واضح رہے کہ بروغل کے مقام چیکار میں اپنے خوشگاؤ (یاک) تلاش کے دوران اُن پر برف کا تودہ گرا۔ جس میں دب کر میرزہ جان اور اُن کے چچا زاد بھائی شادمان جان بحق ہو گئے۔ جن کے لاشیں تاحال بر آمد نہ کی جا سکی ہیں۔ چترال میں گذشتہ دنوں سے وقفے وقفے سے بارشوں اور بالائی علاقوں میں برفباری کے سبب ان لاشوں کو نکالنے میں مشکلات پیش آرہی ہیں۔ تاہم مقامی کمیونٹی، چترال سکاؤٹس اور بارڈر پولیس امدادی کاروائیوں میں مصروف ہیں۔ امسال غیر معمولی برفباری کے باعث چترال کے مختلف مقامات میں برف کے تودے گرنے کا سلسلہ جاری ہے۔ جس میں سب سے بڑا حادثہ 5 فروری کو شیر شال کریم آباد میں پیش آیا۔ جس میں 9افراد جان بحق ہوئے تھے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ