پشاور (نما یندہ چترال میل) پریس انفارمیشن ڈیپارٹمنٹ پشاورکے ڈائریکٹرجنرل کیپٹن(ر)عبدالمجیدخان نیازی،ڈپٹی ڈائریکٹرشبیداللہ وزیراورمجیب الرحمان نے روزنامہ ڈان کے ریزیڈنٹ ایڈیٹرمحمداسماعیل کوپرائڈآف پرفارمنس ملنے پرمبارکباددیتے ہوئے نیک خواہشات کااظہارکیاہے۔ڈائریکٹرجنرل کیپٹن(ر) عبدالمجیدنیازی نے کہاکہ محمداسماعیل کی شعبہ صحافت میں خدمات قابل ستائش ہیں۔انہوں نے کہاکہ میڈیاریاست کاچوتھاستون ہے اوراس وابستہ افرادکی حوصلہ افزائی ناگزیرہے،صحافی برادری ملک کے بہترین امیج کواجاگرکرنے اور عوامی مسائل سے ارباب اختیارکوآگاہ کرنے کیلئے کلیدی کرداراداکرتی ہے۔انہوں نے امیدظاہر کی کہ محمداسماعیل شعبہ صحافت میں مزیدتجدد پیداکرنے کیلئے اپنی توانائی اورموثرپیمانے بروئے کارلائیں گے۔