چترال(نما یندہ چترال میل) بدھ کے روز ڈسٹرکٹ ڈیویلپمنٹ کمیٹی (ڈی ڈی سی)کے منعقدہ اجلاس میں ایجوکیشن،ہیلتھ اور دوسرے سیکٹروں میں متعدد منصوبہ جات کی منظوری دی گئی۔ اجلاس کی صدارت ضلع ناظم مغفرت شاہ نے کی جبکہ مختلف محکمہ جات کے ضلعی سربراہ نے اجلاس میں شرکت کی۔ اجلاس سے خطاب کرتے ہوئے ضلع ناظم نے افسران پر زور دیاکہ وہ دفترومیں بیٹھے رہنے کی بجائے فیلڈ میں جاکر منصوبہ جات کو بروقت اور معیار کے ساتھ پایہ تکمیل کوپہنچانے کو یقینی بنائیں۔ انہوں نے کہاکہ عوام کو درپیش مشکلات کو حل کرنے اور ان کی ضروریات کے مطابق منصوبہ جات کی نشاندہی اور اس سلسلے میں دفتری امور کی انجام دہی میں کوئی کوتاہی برداشت نہیں کیا جائے گا۔