چترال ( نمائندہ چترال میل )ایس۔پی۔انوسٹی گیشن لوئر چترال عتیق الرحمن نے ایس۔ڈی۔پی۔او سرکل چترال سجاد حسین اور ڈی۔ایس۔پی۔سکیورٹی اقبال الدین کے ہمراہ آنے والے تبلیغی اجتماع کی جگہ(پولو گراونڈ) چترال کا دورہ کیا۔
ایس۔پی۔انوسٹی گیشن عتیق الرحمن نے اس موقع پر آنے والے تبلیغی اجتماع کے حوالے سے تبلیغی مشران سے مشاورت بھی کی۔
ڈسٹرکٹ پولیس آفیسر لوئر چترال افتخار شاہ کے خصوصی ہدایات پر تبلیغی اجتماع کے دوران لوئر چترال پولیس کی جانب سے سکیورٹی کے فل پروف انتظامات کئے جائیں گے۔
تبلیغی اجتماع کے موقع پر لوئر چترال پولیس کے جوانان چوبیس گھنٹے ڈیوٹی اور خدمات پر مامور رہیں گے۔
لوئر چترال پولیس ٹریفک وارڈن کی جانب سے ٹریفک کی روانی کو بلا تعطل جاری رکھنے اور پارکنگ کے حوالے سے بھی خصوصی ٹریفک پلان بھی تشکیل دیا گیا ہے۔
