چترال ( نمائندہ چترال میل ) ڈپٹی کمشنر اپر چترال محمد عرفان الدین کی ہدایات پرایڈیشنل ڈپٹی کمشنر جنرل اپر چترال فدالکریم نے انسداد پولیو مہم کا جائزہ لینے کے سلسلے میں مختلف مقامات رورل ہیلتھ سنٹر مستوج،ٹرانزٹ سنٹر مستوج میں جاری مہم کا تفصیلی جائزہ لیا۔اسی طرح پرواک میں بھی ڈور مارکنگ سمیت بچوں کے فنگر مارکنگ بھی چیک کئے گئے۔اس موقع پر انہوں نے پولیو ورکرز سے ملاقات کی اور مہم کے دوران مسائل اور دشواریوں سے متعلق ان سے دریافت کیا۔پولیو ورکرز نے اے ڈی سی کو بتایا کہ مہم بہترین طریقے سے رواں ہے اوراب تک انہیں کوئی مسئلہ درپیش نہیں ایا۔