چترال (نما یندہ چترال میل) آل کنٹریکٹرز ایسوسی ایشن نے صوبائی حکومت کو خبر دار کیا ہے کہ اگر ان کے بقایاجات کی ادائیگی کے لئے فنڈز فوری طور پر فراہم نہ کی گئی تو وہ سخت احتجاج کرنے اور دھرنا دینے کے ساتھ ساتھ جاری ترقیاتی کام بند کرنے پر مجبور ہوں گے کیونکہ گزشتہ ایک سال سے فنڈز کی عدم فراہمی سے ٹھیکہ دار برادری سخت مالی مشکلات میں مبتلا ہوکر دیوالیہ ہونے کے قریب ہیں جوکہ اپنے جیبوں سے کام جاری رکھے ہوئے ہیں۔ جمعہ کے روز چترال پریس کلب میں ایک پریس کانفرنس سے خطاب کرتے ہوئے کنٹریکٹرز ایسوسی ایشن کے صدر سید الدین نے دیگر رہنماؤں اسمار خان، سبحان الدین، صدیق احمد، لالہ اکبر، تاج رسول، فضل ہادی، گل حمید اور دوسروں کی معیت میں ایک پریس کانفرنس سے خطاب کرتے ہوئے کہاکہ گزشتہ ایک سال سے ضلع چترال کے تمام ٹھیکہ دار انتہائی مشکل میں کام کرنے کے باوجود سخت مشکلات سے دوچار ہیں اور ذیادہ تر منصوبوں میں 90فیصد کام مکمل کرنے کے باوجود فنڈز کا نام ونشان تک نہیں ہے جبکہ متعلقہ محکمہ جات کی طرف سے بار بار فنڈز ڈیمانڈ کرنے کے باجود فنانس ڈیپارٹمنٹ سے فنڈز ریلیز نہیں ہورہے ہیں۔ انہوں نے اس بات پربھی تعجب کا اظہار کیاکہ اگر کسی محکمے کے لئے محدود مقدار میں فنڈز ریلیز بھی ہوجائے تو دوسرے دن اسے ڈی پنچ (depunch)کرکے ضلعے میں حکومتی خزانے کے سسٹم سے نکال دیاجاتا ہے اور ان حالات میں ٹھیکہ داروں کی اکثریت کا دیوالیہ نکل چکا ہے اور بعض اپنی بقا کے لئے جدوجہد میں مصروف ہیں۔ انہوں نے کہاکہ گزشتہ حکومت نے ٹینڈرنگ پراسس میں جو تبدیلی لائی تھی، اس کی وجہ سے ٹھیکہ داروں کا ذیادہ تر سرمایہ کال ڈپازٹ، ایڈیشنل کال ڈپازٹ کی شکل میں سرکار کے پاس پھنسے رہتے ہیں جس سے ان کی مشکلات میں اور بھی اضافہ ہوگیا ہے۔ انہوں نے وزیر اعلیٰ، چیف سیکرٹری، ایڈیشنل چیف سیکرٹری اور وزیر خزانہ سے پرزور مطالبہ کیا ہے کہ چترال کی پسماندگی کے باعث یہاں کے ٹھیکہ داروں پر خصوصی طور پر رحم کیا جائے اور خصوصاً ایم اینڈ آر، گزشتہ سال کے سیلاب سے متاثرہ انفرسٹرکچرز کی بحالی اور اے ڈی پی کے مکمل شدہ کاموں کی ادائیگی ہنگامی طور پر کیا جائے۔ ٹھیکہ دار برادری نے 9مئی کے واقعے کی شدید مذمت کرتے ہوئے کہاکہ قانون کو ہاتھ میں لینا اورقوم کے شہداء کے ساتھ بے حرمتی نہایت گھناونی اور قبیح فعل ہے۔
تازہ ترین
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی