دادبیداد۔۔۔ڈاکٹر عنایت اللہ فیضی۔۔۔۔حجاج کی دعائیں
فضائل کے باب میں آتا ہے کہ حاجیوں کی دعائیں 40دنوں تک پہلے دن کی طرح قبول ہوتی ہیں 17سے31اگست تک ذی الحجہ 1442ھ یعنی 2022کے پاکستانی حاجیوں کو حج اخراجات کے لئے داخل کی ہوئی رقم میں سے ایک لاکھ پچاس ہزار روپے واپس کئے جارہے ہیں یہ وہ رقم ہے جومکہ معظمہ اور مدینہ منورہ میں مکانات کے کرایوں اور کھانے کے اخراجات میں کمی کرکے بچائی گئی ہے۔وزارت مذہبی امور کی طرف سے جاری کردہ بیان کے مطابق سرکاری اسکیم کے تحت جو 34ہزار حاجی صاحبان اس سال حج پرتشریف لے گئے تھے ان کو5ارب 10کروڑ 73لاکھ50ہزارروپے کی خطیر رقم واپس کی جارہی ہے۔یہ ملکی تاریخ میں پہلی بار ہورہا ہے کہ وزارت مذہبی امور کے حُسنِ انتظام کی وجہ سے حج کے کم وبیش40دنوں کے سفر کے دوران رہائش،خوراک اور دیگر سہولیات میں کوئی کمی کسی بھی حاجی کو نظر نہیں آئی،حجاج کرام کی سہولت کا پورا پورا خیال رکھا گیا۔معلمین حج کے ساتھ گفت وشنید میں احتیاط سے کام لیا گیا۔ہرحاجی کو کرایہ مکان کی مد میں پہلے اگر 2800ریال دینا پڑتا تھا وہ2100ریال پرفیصلہ ہوا،اگر2100ریال کا نرخ تھا وہ1300ریال پرآیا۔کھانے کے انتظامات میں بھی اعلیٰ معیار کے ساتھ کم سے کم نرخ مقرر کئے گئے۔اس سال حج سہولیات کی نمایاں خصوصیات میں اسلام آباد ائیرپورٹ سے15000حجاج کرام کو”روٹ ٹومکہ“کی سہولت،اور مکہ معظمہ یا مدینہ منورہ سے وطن واپسی کے وقت ائیرپورٹ کی جگہ رہائش گاہ/ہوٹل میں سامان کی بکنگ کے ساتھ حجاج کیلئے چیک اِن اور بورڈنگ کارڈکی فراہمی،مکمہ معظمہ میں رہائش سے حرم شریف کے لئے 24گھنٹے آرادم دہ بسوں کی فراہمی،مکہ اور مدینہ کے درمیان 450کلومیٹر سفر کے لئے جدید ترین بسوں کا انتظام،مدینہ منورہ کے مرکز یہ میں 4سٹار اور 5سٹار ہوٹلوں میں رہائش،منیٰ کے اندر مجموعے کی شکل میں جمرات کے قریب،مکاتب،عرفات میں مسجد نمرہ اور جبل عرفات کے قریب مجموعے کی صورت میں مکاتب مہیا کئے گئے،وزیرمذہبی امور مفتی عبدالشکور عربی گفتگو کے فن کا خصوصی ملکہ رکھتے ہیں انہوں نے ہرجگہ حجاج کے مکانات،ہوٹلوں،خیموں کا باربار دورہ کیا،مقامی معلم کے اہلکاروں کو بروقت ہدایات دئیے ان کی عربی دانی ہرجگہ کام آئی حجاج نے ہرقدم پرمحسوس کیا کہ ان کی خبر گیری کی جارہی ہے اور حکومت پاکستان کے انتظامات کی جھلک نظر آرہی ہے۔یہ ایک مثبت پیغام تھا جو عمل کے ذریعے حجاج کرام کودیا گیا،اخراجات میں جو بچت کی گئی اس کو حج سپورٹ فنڈ میں جمع کیا گیا یہ مالیاتی نظم وضبط اور حساب کتاب کا مسلمہ طریقہ تھا جو آڈٹ کی رو سے بھی قابل مواخذہ نہ تھا اس میں ایک ایک پائی کو محفوظ کرنے کا طریقہ کار موجود تھا۔اس کے علاوہ حکومت نے اپریل2022میں حاجیوں کے لئے جس سبسڈی کا اعلان کیا تھا وہ بھی حج سپورٹ فنڈ میں جمع ہوا اس طرح سرکاری سکیم کے ہرحاجی کو ڈیڑھ لاکھ روپیہ واپس کرنے کی راہ ہموار ہوئی وزارت مذہبی امور کے اعلان کے مطابق 17اگست سے اس رقم کی ادائیگی شروع ہوگئی ہے یہ سلسلہ 30اگست تک بلاتعطل جاری رہے گا۔جو طریقہ کار دیا گیا ہے اس کی روسے ہرحاجی کی رقم اس کے متعلقہ بینک کو دی جائیگی اگر بینک میں اس کا اکاونٹ ہوگا تو ڈیڑھ لاکھ روپے اس کے اکاونٹ میں جمع کرکے بذریعہ ایس ایم ایس موبائل مسیج اس کو آگاہ کیا جائے گا،بالفرض بینک میں اکاونٹ نہ ہوا تو متعلقہ بینک ایسے حاجی کو بذریعہ کیش یا پے آرڈر مذکورہ رقم فی الفور ادا کرے گا۔وزارت مذہبی امور اس پورے عمل کی نگرانی کرے گی اور ادائیگیوں کا عمل مکمل ہونے تک ہرحاجی کے ساتھ فون،ایس ایم ایس یا ای میل یا خط کے ذریعے رابطے میں رہے گی کسی بھی شکایت کی صورت میں فوری قدم اٹھایا جائے گا۔اخبارات میں اس خبر کے شائع ہوتے ہی اخبار بین حلقوں نے اس کو اہم قدم قراردیا،اچھی نظم ونسق،گُڈ گورننس اور وعدوں کی پاسداری کی اعلیٰ مثال گردانا گیا،تاریخ میں یہ پہلی بار ہوا ہے کہ حاجیوں نے فارم کے ساتھ جو رقم ادا کی تھی اس میں سے ایک حصہ حاجیوں کو واپس کیاگیا ہے ورنہ سرکاری خزانے میں جانے والی رقم کے لئے ”گُم کھاتہ“کی ترکیب استعمال ہوتی ہے پہلی بار حکومت کے کسی دفتر پر عوام کا اعتماد بحال ہوا ہے۔اور حجاج کی دعائیں اس نیک کام میں شامل حکام کو مل رہی ہیں۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا