چترال (نما یندہ چترال میل) آل پاکستان جوڈیشل ایمپلائز ایسوسی ایشن لویر چترال کے عہدیداروں کی تقریب حلف وفاداری جمعرات کے روز ضلع کچہری کے احاطے میں منعقد ہوئی جس میں ڈسٹرکٹ اینڈ سیشن جج لویر چترال نوید اقبال نے نومنتخب عہدیداروں سے حلف لے لیاجن میں صدر فضل نبی، سینئر نائب صدر فاتح الرحمن، نائب صدر حاجی احمد، ڈپٹی جنرل سیکرٹری رحمت حسین، فنانس سیکرٹری محمد زکریا، سیف الاسلام انفارمیشن سیکرٹری، سفیر اللہ پریس سیکرٹری اور کاشفہ بی بی آفس سیکرٹری شامل ہیں۔ اپنے مختصر خطاب میں ڈسٹرکٹ اینڈ سیشن جج نوید اقبال نے اس امید کا اظہار کیا کہ ایسوسی ایشن کے عہدیدار اپنی تمام تر توانائی اپنی کمیونٹی کی خدمت پر صرف کریں گے اور مقدمہ لڑنے والے پبلک کی بہتر خدمت کرکے انہیں ریلیف پہنچانے کو اپنا شعار بنالیں گے۔ ایسوسی ایشن کے صدر فضل نبی نے کہاکہ بار اور بینچ کے درمیان تعلق کار کو بہتر بنانے میں سپورٹنگ اسٹاف کے کردار کو بہتر طور پر نبھانے اور جوڈیشنل ایمپلائز کو درپیش مسائل کو جوڈیشری کے نوٹس میں لانا ایسوسی ایشن کے مقاصد میں سے ایک ہے۔ انہوں نے جوڈیشری کویقین دلایا کہ وہ انصاف کی فراہمی کے سلسلے میں جوڈیشری کے عزت و ناموس پر آنچ آنے نہیں دیں گے۔ ڈسٹرکٹ بار ایسوسی ایشن کے سابق صدر نیاز اے نیازی ایڈوکیٹ نے کہاکہ بار اور بینچ اگر گاڑی کے دو پہیے ہیں تو سپورٹنگ اسٹاف اس کے کل پرزے ہیں۔ انہوں نے کہاکہ چترال کی جوڈیشری میں سپورٹنگ اسٹاف کا کردار ہمیشہ سے مثبت رہا ہے اور مقدمہ لڑنے والے عوام کو بہتر خدمت کرنے اور بار اور بینچ کے درمیاں بہتر تعلق کار کے سلسلے میں قابل قدر کردار ادا کرتے رہے ہیں۔ اس موقع پر ایڈیشنل سیشن جج حامد قاسم، سینئر سول جج ایڈمن غلام حامدد، سینئر سول جج جوڈیشل بشارت اور سول ججز بھی موجود تھے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ