چترال (نما یندہ چترال میل) ویلج کونسل جغور کے کسان کونسلر اختر حسین چغتائی نے کہا ہے کہ ایم پی اے مولانا ہدایت الرحمن، ڈی سی لویر چترال اور سابق ضلع ناظم مغفرت شاہ جغور موچیان گاؤں کے چند گھرانوں کی ذاتی ملکیتی راستے کو فرد واحد کو فائدہ پہنچانے کے لئے عوامی راستہ قرار دے کرسرکاری اداروں کے اہلکاروں کے ذریعے ڈرادھمکاکر اور اوچھے ہتھکنڈے استعمال کرکے اس پر عاصبانہ طور پر قبضہ جمانا چاہتے ہیں لیکن متاثرہ خاندان کے افراد اور گاؤں کے عوام اسے کبھی کامیاب ہونے نہیں دیں گے۔
جمعرات کے روز چترال پریس کلب میں گاؤں کے عمائیدین بادشاہ خان، وسیع الدین، حکیم اللہ، عمر فاروق، ظہور احمد بیگ، ذکریا الدین اور دوسروں کی معیت میں ایک پریس کانفرنس سے خطاب کرتے ہوئے کہاکہ مذکورہ راستہ ہم چند خاندانوں کے گھروں اور زمینات میں سے گزرتا ہے اور اسے عوامی راستہ بنانے سے ہماری چادر اور چاردیواری کا تقدس بری طرح پامال ہوگا اور ہماری گھروں کی بے پردگی ہوگی اور یہی وجہ ہے کہ ہم کسی بھی قیمت پر اس ظالمانہ فیصلے کو پورا ہونے نہیں دیں گے۔ انہوں نے کہاکہ حکومت کا کام عوام کی جان، مال اور آبرو کی حفاظت ہے اور زور زبردستی ان کے گھروں کے درمیان سے گزرنے والی سڑک کی تعمیر بنیادی انسانی حقوق کی بھی خلاف ورزی ہے جس سے ایم پی اے اور ڈپٹی کمشنر کو باز رہنا چاہئے۔ انہوں نے کہاکہ اگر ایم پی اے اور ڈی سی نے تحصیل میونسپل ایڈمنسٹریشن کے ذریعے زور زبردستی کی کوشش کی تو اس اقدام کے نتائج بھی ان ہی پر عائد ہوں گے۔ انہوں نے مزید کہاکہ چونکہ ٹی ایم اے کے خلاف سول جج کی عدالت میں ایک مقدمہ ہم پہلے ہی جیت چکے ہیں اور عدالت نے ٹی ایم اے کے خلاف ڈکری بھی جاری کردی ہے اور ایک اور مقدمہ ایڈیشنل سیشن جج میں زیر سماعت ہے، اس لئے عدالت میں زیر سماعت ایک معاملے میں ایم پی اے اور ڈی سی کی طرف سے مداخلت توہین عدالت کے زمرے میں آتا ہے جس کا نوٹس لیا جائے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما