چترال (نما یندہ چترال میل) جماعت اسلامی اور انتظامیہ چترال کے زیر انتظام یوم یکجہتی کشمیر ریلی نکالی گئی۔ اور اتالیق پل پر جلسہ منعقد کیا گیا۔ اس موقع پر جماعت اسلامی چترال کے قائدین اخونزادہ رحمت اللہ، مولانا جمشید احمد، وجیہ الدین، رحمت الہی وغیرہ نے خطاب کرتے ہوئے کہا۔ کہ کشمیریوں پر ظلم و استبداد کے پہاڑتوڑے جا رہے ہیں۔ لیکن افسوس کا مقام ہے کہ پاکستان سمیت عالم اسلام خواب خر گوش میں ہے۔ انہوں نے کہا۔ کہ یہ صرف جماعت اسلامی کا نہیں، پوری امت مسلمہ کا مسئلہ ہے۔ انہوں نے کہا۔ کہ پاکستان کی حکومت اور مقتدر ادارے نہیں چاہتے۔ کہ کشمیریوں کا مسئلہ حل ہو۔ اوریہ تنازعہ اسی چلتا رہے۔ تاکہ چولہا جلتا رہے۔ انہوں نے کہا۔ کہ پاکستان میں اسلامی قیادت ہی کشمیر کا مسئلہ حل کر سکتی ہے۔ اس لئے مسلمانوں کو ملک میں اسلامی قیادت کا ساتھ دینا چاہئے۔ انہوں نے کہا۔ افسوس سے کہنا پڑتا ہے۔ کہ مسلمان کفار سے دوستی کرنیمیں پیش پیش ہے۔ ایسیمیں کشمیر کے مسلمانوں کا مسئلہ کیسے ہو سکتا ہے۔ حالانکہ اللہ نے مسلمانوں کو کافروں کیلئے سخت اور خود مسلمانوں کیلئے نرم ومحبت کی تعلیم دی ہے۔ انہوں نے کہا۔ کہ یہ کیسی مدینہ کی ریاست کے حکمران ہیں۔ کہ کشمیری شہید ہو رہے ہیں۔ ان کے کانوں جوں تک نہیں رینگتی۔ انہوں نے کہا۔ کہ کشمیر کی آزادی صرف جہاد سے ہی ممکن ہے۔ جب تک مسلمان جان کی قربانی کیلئیتیار نہیں ہوں گے۔ کشمیر کے مظلوموں کو آزادی نہیں مل سکتی۔ اس موقع پر کشمیریوں کے حق میں قرارداد منظورکی گئی۔ جس میں کشمیر پر بھارت کے غاصبانہ تسلط کی شدید الفاظ میں مذمت کی گئی۔ اور بھارت کی طرف سے آرٹیکل 370 میں ترمیم کرکے کشمیر پر قبضہ کو عالمی سطح پر ناجائز اقدام قرار دیا گیا۔ قرار داد میں اس عزم کا اظہار کیا گیا۔ کہ جماعت اسلامی بھارت کے اس ظلم و استبداد کے خلاف ہمیشہ کشمیریوں کی ہرممکن مدد کرتی رہے گی۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما