چترال (نما یندہ چترال میل) قومی سطح پر ایکس سروس مین کی تنظیم CAFESSکا تحصیل تورکھو شاخ کے زیر اہتمام ایکس سروس مینوں کا اجلاس منعقد ہوا جس میں تنظیمی امور کو بہتر بناکر پنشنر افراد کی مزید بہتر انداز میں خدمت کرنے اور ان کے درمیان رابطہ کار کو بہتر بنانے کے ساتھ ساتھ علاقے سے تعلق رکھنے والے آرمڈ فورسز کے شہداء کے بچوں میں تخائف تقسیم کئے گئے۔ تحصیل تورکھو کے خوب صورت گاؤں کھوت میں ریٹائرڈ حوالدار دیدار علی کے رہائش گاہ پر منعقدہ اجلاس کی صدارت کپٹن (ریٹائرڈ) سید صلاح الدین نے جبکہ تورکھو سے تعلق رکھنے والے پنشنرحضرات اور تنظیم کے رہنماؤں نے کثیر تعداد میں شرکت کی۔ ڈسٹرکٹ اپر چترال کے چیرمین محمد اسلام نے تنظیم کے اغراض و مقاصد اور ان کی حاصل کردہ کامیابیوں اور ساتھ ہی سنٹرل کمیٹی و صوبائی کمٹیی اور ڈسٹرکٹ قیادت کی کوششوں اور کامیابیوں بارے میں بھی شرکا ء کوآگاہ کیا۔ اجلاس میں شریک صادق اللہ, محمد عالم, محمد اشرف, شرافتی صاحب, صوبیدار (ر) سلطان غازی صاحب, لویر چترال سے ائے ہوئے امیراللہ المعروف بابا صاحب, مختار احمد صاحب, اپر چترال کے وائس چیرمین شاہ نظار لال اور ضلع لویر چترال کے چیرمین لویر چترال عبد الصمد اور تورکھو تحصیل کے چیرمین صوبیدار (ریٹائرڈ) اسرار الدین نے بڑی تفصیل سے تورکہو میں کئے گئے کاموں اور کوششوں کا ذکر کیا۔ ان کے علاوہ دیگر پینشنرز نے بھی تنظیم کو مزید کامیاب کرنے کیلیے اپنے تجاویز اور مفید مشورے پیش کئے۔ جن شہداء کے بچوں کو تخائف پیش کئے گئے، ان میں نائیک عبد الرحمن شہید، نائیک عبدالواحد شہید اور سپاہی علی مدد شہید شامل تھے۔ اس موقع پر مہمانوں کو علاقے کی روایتی طعام بھی پیش کئے گئے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے