پشاور (نما یندہ چترال میل) خیبر پختونخوا زکوٰۃ و عشر ایکٹ 2011 کی شق 14 کی ذیلی شق(4)کے تحت اختیارات کو بروئے کار لاتے ہوئے مجاز حکام نے خیبر پختونخوا زکوٰۃ و عشر کونسل کے 22 ستمبر 2021 کو منعقدہ اجلاس میں خیبر پختونخوا زکوٰۃ و عشر کونسل کی جانب سے نامزدگی کے بعد میر فیاض ولد میر ولی شاہ سکنہ موضع کشم تحصیل ملکوچترال بالا کو فوری طور پر بحیثیت چیئرمین ضلعی زکوٰۃ کمیٹی ضلع چترال اپر اور الیاس اسد ولد اسد اللہ خان سکنہ حافظ سمندر خان ڈی آئی خان کو بحیثیت چیئرمین ضلعی زکوٰۃ کمیٹی ضلع ڈی آئی خان تقرری کر دی ہے۔ اس امر کا اعلان محکمہ زکوٰۃ،عشر،سماجی بہبود، خصوصی تعلیم و ترقی خواتین کی جانب سے جاری دو الگ الگ اعلامیوں میں کیا گیا۔