چترال (نمائندہ چترال میل) کریم آباد ویلی کے گاؤں بالین میں تین بہنیں جمعہ کے روز ندی کے کنارے کپڑے دھوتی ہوئی دریا میں گر جان بحق ہوگئے جن کی لاشیں بعد میں دریا سے برآمد کئے گئے۔مقامی پولیس کے مطابق دریا میں ڈوبنے والے یہ بدقسمت بہنیں فوزیہ, مسکان اور آرشین میر رحمت کی بیٹیاں تھیں جن عمریں 13 سے26سال کے درمیان ہیں۔بیک تین لاشیں اٹھنے گاؤں میں کہرام مچ گئی اور رقت آمیز مناظر دیکھے گئے۔
درایں اثنا وزیر اعلیٰ خیبرپختونخوا کے معاون خصوصی وزیر زادہ نے اس واقعے پر گہری دکھ اور افسوس کا اظہار کیا ہے۔ ایک اخباری بیان میں انہوں نے غمزدہ خاندان سے تعزیت کا اظہار کرتے ہوئے کہا ہے کہ رنج کی ان لمحات میں صوبائی حکومت ان کے غم میں شامل ہے۔