پشاور(پریس ریلیز) صوبائی حکومت نے گریڈ 20 کے آفیسر پروفیسر نصراللہ خان یوسفزئی کو چیئرمین پشاور بورڈ تعیناتی کے احکامات جاری کردیئے۔ اس سلسلے میں صوبائی حکومت کی جانب سے جاری کئے جانیوالے اعلامیے کے مطابق محکمہ تعلیم کے گریڈ 20 کے آفیسر پروفیسر نصراللہ خان جوکہ گورنمنٹ کالج پشاور کے پرنسپل تھے کو ڈیپوٹیشن کی بنیاد پر چیئرمین بورڈ آف انٹر میڈیٹ اینڈ سکینڈری ایجوکیشن تعینات کردیا گیا ہے نصراللہ خان اس سے قبل گورنمنٹ سپیرئیر سائنس کالج کے پرنسپل بھی رہ چکے ہیں انہوں نے قائداعظم یونیورسٹی اسلام آباد سے پاک سٹڈی میں ایم فل کیا ہے اور قائد اعظم گولڈ میڈل ایوارڈ یافتہ ہیں ان کی چیئرمین بورڈ تعیناتی دو سال کیلئے عمل میں لائی گئی ہے۔