چترال (نمائندہ چترا ل میل) یونین کونسل کوشٹ کے عوام نے کوشٹ میں جیپ ایبل پل کی مخدوش حالت کی طرف حکومت کی توجہ مبذول کراتے ہوئے اس حدشے کا اظہارکیا ہے کہ پانچ سال پہلے اس پل پر رونما ہونے والے واقعے کا اعادہ ہوسکتا ہے جس میں تین قیمتی جانیں ضائع ہوگئے تھے۔ جماعت اسلامی کوشٹ یونین کونسل کے امیر عبداللہ جان فریادی نے بدھ کے روز جاری شدہ ایک پریس ریلیز میں کہا ہے کہ اس پل پر کوشٹ کے علاوہ موڑکھو، اویر اور تریچ یونین کونسلوں سے آنے والے گاڑیوں کی بھاری تعداد ہر روز گزرنے کی وجہ سے اس کی حالت مخدوش ہوتی جارہی ہے جبکہ محکمہ کی طرف سے اس کی تعمیر کے بعد سے اب تک مرمت کا کوئی کام نہیں ہوا۔ انہوں نے کہاکہ اس پل کے ٹوٹ جانے کی وجہ سے کوشٹ کے عوام کو خصوصاً اور موڑکھو سے تریچ تک کے عوام کو عمومی طور پر آمدورفت کا سخت مسئلہ درپیش ہوگا۔انہوں نے کہاکہ کوئی حادثہ پیش ہونے اور جانوں کا ضیاع ہونے کی تمام ذمہ داری سی اینڈ ڈبلیو ڈیپارٹمنٹ پر عائد ہوگی۔ انہوں نے اس بات پر بھی تشویش کا اظہارکیاکہ ضلعے کے دوسرے علاقوں موژگول، پھوکیڑ میں آرسی سی پل پایہ تکمیل کو پہنچ گئی ہیں لیکن کوشٹ میں زیر تعمیر پل مسجد مہابت بن کر رہ گئی ہے جوکہ تیار ہونے کا نام نہیں لے رہی ہے جس کی تکمیل کے بعد اس یونین کونسل کا دوسرے علاقوں سے رابطہ کا مسئلہ ہمیشہ کے لئے حل ہوجائے گا۔ جب اس بارے میں سی اینڈ ڈبلیو ڈویژن اپر چترال کے ایگزیکٹیو انجینئر عماد سے رابطہ کیا تو انہوں نے کہاکہ کوشٹ پل کی مرمت کا کام AM&Rمیں شامل کیا گیا ہے جس پر ٹھیکہ دار اگلے ہفتے تک کام شروع کرے گا۔ انہوں نے کہاکہ پل کی کمزور حالت کے پیش نظر انہوں نے پل سے لوڈکردہ اور بھاری گاڑیوں کے گزارنے پر پابندی عائد کردی ہے لیکن عوام کی طرف سے تعاون حاصل نہیں ہورہا ہے۔ زیر تعمیر آر سی سی پل کی تکمیل کے حوالے سے انہوں نے کہاکہ موسم سرما میں سیمنٹ کنکریٹ کا کام ممکن نہیں ہے اس لئے اگلے ماہ تک اس پر کام شروع کیا جائے گاجوکہ آخری مراحل میں ہے۔ انہوں نے کہاکہ اپر چترال کے دیگر علاقوں موڑکھو، تورکھو، مستوج اور یارخون میں تعمیراتی کاموں کا آغاز مارچ کے ماہ میں کیا جائے گا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما