چترال (نمائندہ چترال میل) پی ٹی آئی یوتھ ونگ ضلع لویر چترال کے صدر شفیق الرحمن نے اس عزم کا اظہارکیا ہے کہ وہ پارٹی قیادت کی توقعات پر پورا اترتے ہوئے چترال میں پی ٹی آئی یوتھ ونگ کو پارٹی کا ہر اول دستہ بنانے کے ساتھ ساتھ نوجوانوں کے حقوق کے لئے سینہ سپر ہوں گے جنہیں ماضی میں نظر انداز کئے جاتے رہے ہیں اور ان کے تمام تحفظات اور احساس محرومیوں کو دور کریں گے اور ان ہی نوجوانوں کو لے کر کرپشن، ظلم اور ناانصافی کا قلع قمع کرنے میں کوئی کسر نہیں چھوڑیں گے تاکہ ملک کی تعمیر وزیر اعظم عمران خان کی وژن اور مشن کے مطابق ممکن ہوسکے۔ پیر کے روز ٹاؤن ہال میں یوتھ ونگ کی تعارفی پروگرام سے خطاب کرتے ہوئے انہوں نے کہاکہ وہ یوتھ ونگ کے ناراض رہنماؤں کو گلے لگاکر ان کے شکوے اور شکایتیں دورکر نے کے لئے تیار ہیں جوکہ پارٹی کے قیمتی سرمایہ ہیں جبکہ وہ پی ٹی آئی کی تما م ونگز کو ساتھ لے کر لویر چترال میں انقلاب برپا کرنے کا عزم صمیم لے کر اٹھے ہیں۔ شفیق الرحمن نے کہاکہ انہیں قیادت صاف اور شفاف طریقے سے ملی ہے اور انہیں کسی نے اٹھایا نہیں ہے بلکہ ڈویژنل رہنماؤں نے ان کا انٹرویو کرنے اور تحریک میں ان کی قربانیوں اور سرگرمیوں کی بنیاد پر ہی انہیں یہ منصب دے دیا ہے۔ انہوں نے کہاکہ آنے والے بلدیاتی الیکشن اورعام انتخابات دونوں میں پی ٹی آئی کو چترال سے واضح برتری اور کامیابی ملے گی جس کے لئے یوتھ ونگ کے کارکن آج ہی سے تیارہیں۔ انہوں نے کہاکہ آج ہمارے قائد عمران خان کو پی ڈی ایم کی صورت میں گیارہ جماعتوں سے مقابلہ ہے جوکہ اپنی چوری اور نااہلی کو چھپانے کے لئے ان کے خلاف جمع ہوگئے ہیں لیکن یوتھ ونگ کا ایک ایک کارکن اپنے محبوب قائد کے ساتھ ہے۔ اس موقع پر پارٹی کے سینئر رہنما حاجی گل نواز نے کہاکہ پی ٹی آئی کا مقصد ملک میں ظلم و ناانصافی سے پاک نظام کا قیام تھا اور وہ اس کے لئے اس جماعت میں شامل ہوکر عمران خان کو لبیک کہہ دیا تھا۔ انہوں نے کارکنان پر زور دیاکہ وہ اس نازک دوراہے پر آپس میں اختلافات کو ختم کرکے سیسہ پلائی ہوئی دیوار بن جائیں اور پی ڈی ایم کو شکست سے دوچار کریں۔ اس موقع پر یوتھ ونگ کے صدر صفت گل اور دوسرے رہنما جمیل اللہ شیرازی، سردار ایوبی، خورشید، نجیب الدین، محمدعلی خان، امتیاز، عرفان اور دوسروں نے بھی خطاب کیا۔ پی ٹی آئی یوتھ ونگ لویر ضلعے کے عہدیدار انفارمیشن سیکرٹری آصف بیاض، ڈپٹی جنرل سیکرٹری فہیم اللہ، جنرل سیکرٹری نذیر اللہ اور فنانس سیکرٹری اعجاز عظیم بھی موجود تھے۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے