چترال (محکم الدین) ہفتے کے روز کالاش ویلی بمبوریت کے مقام برون میں تینوں کالاش ویلیز کے سینکڑوں افراد نے آشکبار انکھوں سے معروف کالاش شخصیت آمدن شاہ کو آخری رسومات کی آدائیگی کے بعد فائرنگ کی گھن گرج اور ڈھول کی تھاپ پر ماتمی گیت اور رقص کے ساتھ سپرد خاک کردیا۔ آمدن شاہ کالاش ویلی رومبور چترال سے تعلق رکھنے والی بین الاقوامی شہرت یافتہ پاکستانی نژاد امریکی خاتون الیکشن بی بی کے ماموں اور معروف خاتون لیڈر و سوشل ایکٹی وسٹ شاہی گل کے شوہر تھے۔ جو گزشتہ کچھ عرصے سے علیل تھے۔ اور علاج کیلئے انہیں چترال پشاور اور اسلام آباد کے ہسپتالوں تک لے جایا گیا۔ لیکن وہ جانبر نہ ہوسکے۔ انجہانی آمدن شاہ کی آخری رسومات کی آدائیگی میں تینوں ویلز سے بہت بڑی تعداد میں لوگوں نے حصہ لیا۔ کالاش رسم کے مطابق انجہانی کی میت کو مقامی جشٹکان میں رکھا گیا تھا۔ جس میں ان کی بیوہ بیٹیوں اور قریبی رشتیدار خواتین ننگے سر ماتمی گیت گاکر سوگ کا اظہار کیا۔ تو قبیلے کے مذہبی پیشوا نے باری باری قبیلے کیلئے ان کی خدمات پر شاندار الفاظ میں انہیں خراج عقیدت پیش کیا۔ میت کیسرہانے کالاش قبیلے کے رواج کے مطابق انجہانی کی بہادری اور شجاعت سے متعلق سامان حرب رکھے گئے تھے۔ انہیں نوٹوں کا ہار پہنایا گیا تھا۔ اور ان کی پسند کے پھل، خوراک کی اشیاء رکھے گئیتھے۔ کالاش مذہب میں آخری سفر کیلئے یہ توشہ جشٹکان میں میت کے ساتھ رکھا جاتاہے۔ جنہیں مردے کے ساتھ تابوت میں بھی رکھ دیا جاتا ہے۔ انجہانی آمدن شاہ کی تعزیت کیلئے آنے والوں کو حسب روایت مخصوص ڈش کی ضیافت دی گئی۔ جس کیلئے مجموعی طور پر 30 بکرے ایک گائے ذبح کئے گئے۔ دو من دیسی گھی، 120کلوگرام پنیر، 37من آٹا اور 200من سوختنی لکڑیاں کھانا پکانے اور آگ تاپنے کیلئے استعمال کی گئیں۔ جن کی مجموعی مالیت 13لاکھ 32ہزار روپے ہے۔ کالاش مذہب کے مطابق یہ سوگ اگلے تہوار چلم جوشٹ تک جاری ریے گا۔ اس دوران انجہانی کی بیوہ کو گھر کے اندر اور باہر بعض مخصوص مقامات پر جانے کی اجازت نہیں ہوگی۔ انجہانی کی وفات پر قبیلے کے علاوہ لوگوں نے بھی صدمے کا اظہار کیا ہے۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا