بونی (نما یندہ چترال میل)علاقے کے مختلف مسائل کے حوالے سے تحریک حقوق عوام اپر چترال کا ایک اہم اجلاس آج بونی میں منعقد ہوا۔ مسائل میں سر فہرست تورکہو استارو پل پر کام کی سست رفتاری پر علاقے کے عوام کی تشویش اور تحریک حقوق عوام تورکہو کی اس سلسلے میں منعقدہ میٹنگ کے حوالے سے آئندہ کا لائحہ عمل رہا۔ اجلاس میں تحریک حقوق عوام تورکہو کے مطالبے کی بھرپور حمایت کا اعلان کیا گیا اور ارباب اختیار سے بھرپور مطالبہ کیا گیا کہ استارو پل پر کام کی رفتار تیز کرکے آنے والی سردیوں میں ہر صورت میں ٹریفک بحال کی جائے۔ اگر یہ ممکن نہیں تو اس پل کے ساتھ مناسب جگہ پر عارضی پل تعمیر کرکے ٹریفک بحال کی جائے۔ موجودہ متبادل راستہ انتہائی تنگ اور خطرناک ہے، ہلکی سی بارش اور برف باری کی صورت میں اس راستے پر ٹریفک جاری رکھنا ناممکن ہے۔ لہذا متعلقہ اداروں کو اس سلسلے میں فوری اقدامات کروانے کی ضرورت ہے۔ اس سلسلے میں فوری پیش رفت نہ ہونے کی صورت میں شدید احتجاجی مظاہرے کیے جائیں گے۔اس کے علاوہ بونی ٹو اوی تا سنوغر روڈ کی طرف حکومت اور متعلقہ اداروں کی عدم توجہ کی شدید الفاظ میں مذمت کی گئی اور مطالبہ کیا گیا کہ مزکورہ روڈ پر فوری توجہ دیکر مرمت و صفائی کا کام بلا تاخیر کیا جائے تاکہ آنے والی سردیوں میں علاقے کے عوام کو کچھ ریلیف مل جائے۔ اور اس روڈ کی توسیع و تعمیر کیلئے فوری اقدامات کیے جا یں اس کے علاوہ کوشٹ اور موژگول پلوں پر کام کی سست رفتاری کا فوری نوٹس لیکر کام کی رفتار تیز کرنے کا مطالبہ کیا گیا تاکہ مزکورہ پروجیکٹس بر وقت مکمل ہوں اور عوام مزید پریشانی سے بج سکیں۔بونی مستوج روڈ جوکہ مبینہ طور پر این۔ایچ۔اے کے حوالے ہو چکا ہے اور اس کو بنیاد بنا کر کافی عرصے سے اس روڈ پر سی اینڈ ڈبلیو والے بھی صفائی ومرمت کا کام نہیں کروارہے ہیں۔ مزکورہ روڈ کی صفائی ومرمت کا کام جس ادارے کی زمہ داری ہے اسکا تعین کرکے فوری طور پر کام شروغ کیا جائے۔
مندرجہ بالا مسائل کا بروقت حل انتہائی ناگزیر ہے اور متعلقہ اداروں سے پر زور گزارش کی گئی کہ ان مسائل کے حل پر فوری توجہ دی جائے بصورت دیگر شدید احتجاجی مظاہروں کا سلسلہ شروع کیا جائے گا۔اس طرح یہ اجلاس اپنے اختتام کو پہنچی۔
تازہ ترین
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا
- ہوماظہار تشکر ۔۔ ہم ان تمام عزیز و اقارب،دوستوں اور بہی خواہوں کے شکر گزار ہیں۔۔حاجی سید احمد بمبوریت و فیملی
- ہوماپر اور لویر چترال کے اضلاع میں ڈسٹرکٹ بار ایسوسی ایشن کے انتخابات مکمل ہوگئے جن میں ساجد اللہ ایڈوکیٹ لویر چترال اور گل مراد خان ایڈوکیٹ اپر چترال کے صدر منتخب ہوگئے