چترال (نمائندہ چترال میل) چترال سکاوٹس کے ہیڈکوارٹرز میں یوم دفاع پاکستان منایا گیا جس میں پرچم کشائی اوریادگار پرپھول چڑہانے کے بعد شہداء کے روح کی ایصال ثواب کے لئے دعا مانگنے کے ساتھ چترال سے تعلق رکھنے والے چترال سکاوٹس اور پاک فوج کے شہداء کے ورثاء میں تخائف تقسیم کئے گئے جبکہ اس موقع پر تقریب میں مادر وطن پر جانین نچھاور کرنے والے شہداء کی قربانیوں پر اور ملکی سالمیت میں افواج پاکستان کے کردارپر روشنی ڈالی گئی۔ کمانڈنٹ چترال سکاوٹس کرنل محمد علی ظفر، ایم این اے چترال مولانا عبدالاکبر چترالی، ڈی سی لویر چترال نوید احمد اور ڈی پی او نے پرچم کشائی کے بعد یادگار شہداء پر باری باری پھول چڑہائے جبکہ چلڈرن پارک میں منعقد تقریب سے خطاب کرتے ہوئے کرنل محمد علی ظفر نے کہاکہ 1965ء میں اسی دن ہم نے اپنی ازلی دشمن انڈیا کے عزائم خاک میں ملادئیے تھے اورقربانی کا یہ سلسلہ جاری رہے گا اور ہم اپنے اسلاف کے نقش وقدم پر چل کر ملک کی دفاع کو ناقابل تسخیر بنانے کے ساتھ ساتھ اسے ترقی وخوشحالی سے ہمکنار کرنے میں کوئی کسر نہیں چھوڑیں گے۔ انہوں نے کہاکہ دشمن نے جغرافیائی سرحدوں پر وار کرنے کے بعد اب سوشل میڈیا کے ذریعے ففتھ جنریشن وار میں پاکستان کے خلاف ریشہ دوانی میں مصروف ہے جس سے ہر پاکستانی کو باخبر رہنے کی ضرورت ہے۔ انہوں نے شہداء کے ورثا کو یقین دلایاکہ پاک فوج ان کے ساتھ ہے اور انہیں کبھی تنہا نہیں چھوڑ اجائے گا اور خاص مواقع پر ان کی عزت افزائی کا سلسلہ جاری رہے گا۔ ایم این اے مولانا عبدالاکبر چترالی نے کہاکہ آج ہم اگر امن سکون سے زندگی گزارہے ہیں تو یہ ان کی شہداء کی قربانیوں کا نتیجہ اور ثمر ہے۔ انہوں نے کہاکہ جب تک ملک کے ساتھ محبت کا اور جذبہ جہاد ہمارے اندر موجود ہوگا، کوئی دشمن ہماری طرف میلی آنکھ سے نہیں دیکھ سکے گا اور جہاد فی سبیل اللہ پاک فوج کا ماٹو بھی ہے۔ ڈی سی لویر چترال نوید احمد نے کہاکہ حکومت نے حال ہی میں سیاسی نقشے میں جوتبدیلی کی ہے، وہ بہت جلد ہی حقیقت کار وپ دھار کر جغرافیائی میپ میں بدل جائے گا اور اس مقصد کے لئے ہم اپنی صفوں میں مکمل طور پر یکجہتی کا مظاہرہ کریں۔ایف سی پی ایس پبلک سکول کے طالبات عاشی منور، معطر اور ایمن نے ملی نغمہ “اے راہ حق کے شہیدو وفا کے تصویرو تجھے وطن کی ہوائیں سلام کہتی ہیں ” پیش کرکے محفل کو گرمادیا۔ اس موقع پر کرنل محمد علی ظفر، مولانا عبدالاکبر چترالی، سابق ضلع ناظم مغفرت شاہ، ڈی سی نوید احمداور ڈی پی او عبدالحئی نے شہداء کے ورثا ء میں تخائف تقسیم کئے۔ بعدازاں کمانڈنٹ چترال سکاوٹس نے چترال ٹاؤن میں واقع شہداء کے گھروں میں جاکر انہیں راشن پہنچادئیے اور شہداء کے ورثاء کی خیر وعافیت دریافت کی۔
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے