چترال (نما یندہ چترال میل)پرائیویٹ ایجوکیشنل نیٹ ورک (پین) چترال کے زیر اہتمام منگل کے روز منعقدہ اجلاس میں تمام سیاسی اور سول سوسائٹی تنظیموں کے ضلعی سربراہان نے 15اگست کو پرائیویٹ سکولوں اور کالجوں کو کھولنے کے فیصلے کی مکمل تائید کرتے ہوئے انہیں ہر ممکن تعاون اور اخلاقی،قانونی اور سیاسی سپورٹ کی یقین دہانی کرائی اور کہاکہ اختیاطی تدابیر اور ایس او پیز پر عمل پیر ا ہوکر نجی پرائیویٹ اداروں کو کھولنا لاکھوں طالب علموں اور ان کے والدین کا مطالبہ بن گیا تھا۔ پین چترال کے سرپرست شیخ الحدیث مولانا حسین احمد کی صدارت میں منعقد ہونے والی اس اجلاس میں پین کے ضلعی صدر وجیہہ الدین، سابق ضلع ناظم مغفرت شاہ، جماعت اسلامی کے امیر مولانا جمشید احمد، جے یو آئی کے مولانا عبدالشکور، پی ایم ایل (ن) کے صدیق احمد، اے این پی کے عمران حسین، ڈسٹرکٹ بار کی طرف سے محمد کوثر ایڈوکیٹ، تجار یونین کے شبیر احمد، ڈرائیورز یونین کے صدر صابر احمدنے کہاکہ گزشتہ سات ماہ سے سکولوں اور کالجوں کی مسلسل بندش نے بچوں کا ناقابل تلافی تعلیمی نقصان لاحق ہوچکا ہے جبکہ اس کے معاشرتی اور معاشی نقصانات بھی معاشرے پر مرتب ہورہے ہیں لیکن حکومت وقت اب بھی کرونا وائرس پر قابو پانے کے باوجودبھی اداروں کو کھولنے میں لیت ولعل سے کام لے رہی ہے جوکہ ناقابل برداشت ہے اور پرائیویٹ ادارے مزید انتظار کے متحمل نہیں ہوسکتے۔ اس موقع پر شیخ الحدیث مولانا حسین احمد نے کہاکہ انہیں ایم این اے مولانا عبدالاکبر چترالی،ایم پی اے مولانا ہدایت الرحمن، سابق ایم این اے شہزادہ افتخار الدین، سابق صوبائی وزیر اور پی پی پی کے ضلعی صدر سلیم خان، چترال چیمبر آف کامرس کے صدر سرتاج احمد خان اور سول سوسائٹی کے نمائندوں نے بھر پور حمایت کی یقین دہانی کرائی اور ضلعے سے باہر ہونے کی وجہ سے اس اجلاس میں شرکت نہ کرسکے۔ انہوں نے اس امید کا اظہا رکیاکہ حکومت وقت 15اگست سے اداروں کو ایس او پیزپر مکمل پابندی کے ساتھ کھولنے کی راہ میں روڑا نہیں اٹکائے گی۔ اجلاس میں چترال کالج آف ایجوکیشن کے پرنسپل سردار احمد خان، نیو سٹی کالج چترال کے پرنسپل مسرور علی شاہ، جے یو آئی کے ترجمان قاضی نسیم اور دوسرے موجود تھے۔
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے