چترال (نما یندہ چترال میل) چترال لویر تھانہ عشریت کے حدود میں جنگلات کے تنازعہ پر دو فریقین میں جھگڑے کے دوران ایک شخص قتل ،قتل میں ملو ث تمام ملزمان چوبیس گھنٹوں کے اندر گرفتار۔تفصیلات کے مطابق چترال لویر،تھا نہ عشریت کے حدود میں جنگلات کے تنازعہ پر دو فریقین میں جھگڑے کے دوران مسمی اقبال اور ان کے دیگر 6ساتھیوں نے ملکر مسمی خیال محمد سکنہ عشریت کوقتل کر دیا جس پر بروقت کاراوائی کر تے ہوئے تھانہ عشریت کے ایس ایچ او نے قتل کے مقدمہ میں ملوث تمام نامزد ملزمان کو چوبیس گھنٹوں کے اندر گرفتار کر لیا۔درین اثناء ڈی پی او چترال لویر وسیم ر یاض کی خصوصی ہدایات پر ڈسٹرکٹ میں منشیات کے خلاف جاری کریک ڈاؤن کے دوران میں تھانہ عشریت کے ایس ایچ او اسرار احمد نے کاروائی کرتے ہو 3377 گرام اور تھانہ چترال کے ایس ایچ او سجاد حسین نے 115 گرام چرس برآمد کی ملزمان گرفتار مزید تفتیش جاری ہے۔چترال کے عوامی اور سماجی حلقوں نے چترال پولیس کی طرف سے منشیات فروشوں کے خلاف کاراوائی کو سراہا ہے۔