چترال (نمائندہ چترال میل) ہفتے کے دن شام 7بجے کے وقت ڈسٹرکٹ ہیڈ کوارٹرز ہسپتال کے ساتھ متصل سی اینڈ ڈبلیو ڈیپارٹمنٹ کی بلڈنگ میں آگ لگ گئی جس سے دفتر کے گارڈ روم کو نقصان پہنچا جبکہ چترال پولیس کے جوانوں نے فوری طور پر موقع پر پہنچ کر ریسکیو 1122کی فائربریگیڈ گاڑیوں کی مدد سے بہت ہی جلد آگ پر قابو پانے میں کامیاب ہوگئے جس سے آگ پھیل کر ہسپتال اور کامرس کالج کے ہاسٹل کو اپنی زد میں نہ لے سکا۔ اس موقع پر موجودلوگوں نے جان فشانی سے آگ بجھانے کے کام میں حصہ لینے پر چترال تھانہ کے ایس ایچ او سجا د حسین اور ان کے ساتھ اے ایس آئی نورشاہدین، محمد اسرار، جان باز، شہزاد علی، نصاب علی اور سیف الدین اور ٹی ایم اے کے فائر فائٹنگ اسٹاف قادر کی کارکردگی کو زبردست سراہا جبکہ ریسکیو 1122کی فائربریگیڈ کے ڈرائیور فداء الرحمن کو اطلاع ملنے کے چند منٹوں کے دوران موقع پر پہنچنے پر بھی داد دئیے گئے۔ آتشزدگی کی وجہ فوری طور پر معلوم نہ ہوسکا جوکہ دفتر کے گارڈ روم سے بھڑک اٹھی۔
