چترال (نما یندہ چترال میل)تحصیل ہیڈ کوارٹر ہسپتال دروش میں تعینات ہونے والے چار ڈاکٹرز تبادلے کے احکامات جاری ہونے کے دو مہینے بعد بھی ڈیوٹی پر نہیں آئے۔ تفصیلات کے مطابق ڈیڑھ سال سے زیادہ کا عرصہ دروش ٹی ایچ کیو ہسپتال میں لیڈی ڈاکٹرز کی عدم دستیابی اور اس وجہ سے عوامی احتجاج کے بعد صوبائی محکمہ صحت نے دروش ہسپتال کے لئے دو لیڈی ڈاکٹروں اور دو میل میڈیکل افسروں کی تعیناتی کا اعلامیہ 10جنوری 2020ء کو جاری کر دیا تھا جسکے بعد کئی ہفتوں سے ہسپتال کے سامنے جاری دھرنا ختم کیا گیا تھا تاہم تقرری کے دو مہینے پورا ہونے کے باوجود دروش ہسپتال میں تعینات ہونے والے ڈاکٹروں نے چارج نہیں سنبھالا جسکی وجہ سے عوامی مایوسی میں اضافہ ہو گیاہے۔ عوامی حلقوں کا کہنا ہے کہ ایک طرف تو صوبائی حکومت صوبے میں صحت کی سہولیات کی فراہمی کا دعویٰ کررہی ہے جبکہ دوسری طرف حالت یہ ہے کہ سرکاری اہلکار حکومتی احکامات کو جوتے کی نوک پر رکھتے ہیں۔ عوامی حلقوں نے افسوس کا اظہار کرتے ہوئے کہا ہے حکومتی احکامات پر عملدرآمد نہ ہونا یقینا حکومتی اتھارٹی کی کمزوری ہے۔ واضح رہے کہ ڈاکٹروں کے تبادلے کے حکمنامے میں انہیں فوری طور پر سابقہ چارج چھوڑ نے کی ہدایت کی گئی ہے۔ اس حوالے سے انتہائی ذمہ دار ذریعے نے،، مشرق،،کو نام نہ بتانے کی شرط پر بتایا کہ دروش ہسپتال میں تعینات ہونے والے ڈاکٹروں کی مضبوط سیاسی پشت پناہی ہورہی ہے اور اسی وجہ سے وہ حکومتی احکامات کو اہمیت نہیں دے رہے ہیں۔ اس حوالے سے ذرائع کا کہنا ہے کہ گذشتہ سال دروش ہسپتال میں تعینات ہونے والی کم از کم دو لیڈی ڈاکٹروں کے تبادلے منسوخ کرانے میں حکمران جماعت کے صف اول کے لیڈر پیش پیش رہے اور ایک لیڈر مذکورہ لیڈی ڈاکٹر کا تبادلہ منسوخ کرانے کیلئے بذات خود محکمہ صحت کے ڈائریکٹوریٹ کے چکر لگاتا رہا اور تبادلہ مسنوخ کرانے میں کامیاب ہوا۔ اس بار بھی حکمران جماعت سے تعلق رکھنے والے بااثر سیاسی لیڈروں کی پشت پناہی کی وجہ سے لیڈی ڈاکٹروں کے تعیناتی کے احکامات پر عملدرآمد نہیں ہورہا۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے