چترال (ارشاد اللہ شاد سے) آج کے جدید مشینی اور کمپیوٹرائزڈ دور میں جہاں انواع و اقسام کے کتابت کے طریقے استعمال کئے جاتے ہیں اور ہاتھ سے کتابت کا فن معدوم ہوتا جارہا ہے، ایسے میں ضلع چترال کے خوبصورت گاؤں ایون سے تعلق رکھنے والا 33سالہ نوجوان محسن جعفر ولد جعفر علی نے ہاتھ سے قرآن پاک تحریر کرنے کا منفرد اعزاز حاصل کرلیا۔ اطلاعات کے مطابق ضلع چترال میں یہ پہلا نوجوان ہے جنہوں نے مسلسل جدوجہد اور انتھک محنت کے بعد دو سال کے قلیل مدت میں قرآن مجید کا نسخہ تیار کرلیا۔میڈیا سے گفتگو کرتے ہوئے نوجوان محسن جعفر کا دعوی ہے کہ ہاتھ سے قرآن تیار کیا جانے والا یہ نسخہ واحد ہے جو ایک ہی انسان کے ہاتھ سے بنا، اس میں کسی کی مدد شامل نہیں بلکہ سب میری اپنی کاو ش ہے۔ کبھی دو سطریں تو کبھی تین سطریں بنتی تھی کیونکہ پہلے یہ کام تو آسان نہیں تھا دوسرا لفظ کو پڑھنا تھا اسلئے اعراب کا بہت خیال رکھا کہ کہی کوئی غلطی نہ ہوجائے۔ ان کا کہنا ہے کہ اسے عشق کی حد تک قرآن پاک سے لگاؤ ہے اور اسی عشق قرآن نے اسے اللہ کے کلام کو اپنے ہاتھ سے لکھنے کی ہمت اور توفیق عطا کی ہے۔ انہوں نے کہا کہ اس نے کتاب اللہ کی تحریر کا آغاز جنوری 2018ء میں کیا اور آخری آیات 19جنوری 2020کو لکھ کر اپنے ہاتھ سے قرآن پاک کی تحریر کا عظیم مشن مکمل کرلیا۔ ایک سوال کے جواب میں انہوں نے کہا کہ اس کے ہاتھ سے لکھے قرآن پاک کے 725صفحات ہیں اور یہ تحریر محض اللہ کی توفیق سے ممکن ہوئی۔
تازہ ترین
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد